02.07.2026 | 09:06
ԱԺ տարածքային կառավարման, գյուղատնտեսության և ՇՄ պահպանության հարցերի հանձնաժողովի նիստը. ՈՒՂԻՂ
Ընդամենը մեկ տարի առաջ Վահե Գրիգորյանը նախագահին համարում էր տխմարագույն ճառեր ասող. Իվետա Տոնոյան. ՏԵՍԱՆՅՈՒԹ
Քաղաքականություն
05.06.2019 | 13:47
Առնվազն 4 անգամ նախագահի կողմից ՍԴ դատավորի թեկնածուի առաջադրումը և խորհրդարանական մեծամասնության կողմից այդ թեկնածուին չընդունելը առնվազն անլուրջ վերաբերմունք է ինչպես խորհրդարանի, այնպես էլ նախագահի սահմանադրական ինստիտուտի նկատմամբ: Այսօր խորհրդարանական ճեպազրույցների ընթացքում անդրադառնալով փաստաբան Վահե Գրիգորյանին ՍԴ անդամի թեկնածու առաջադրելուն՝ ասաց ԲՀԿ-ական պատգամավոր Իվետա Տոնոյանը:
ԲՀԿ-ն, հիշեցնենք, «Իմ քայլը» խմբակցությանը և ՀՀ նախագահին կոչ էր արել առնվազն անկեղծ լինել և ասել, որ այս գործընթացում «ինչ-որ մի բան այն չէ»։ Դրանից մեկ օր անց նախագահ Արմեն Սարգսյանն առաջադրել է Վահե Գրիգորյանի թեկնածությունը։
Իվետա Տոնոյանը չի կասկածում, որ բոլորն էլ ունեն փայլուն հիշողություն և չեն մոռացել, թե ինչպես «մեկ տարի առաջ նույն Վահե Գրիգորյանը նախագահ Արմեն Սարգսյանին որակում էր որպես տխմարագույն ճառեր արտաբերող դեմագոգ, որակում էր որպես ոչ լեգիտիմ նախագահ»։ ԲՀԿ-ական պատգամավորը դեռ պետք է հասկանա, թե, պարոն Գրիգորյանի բնորոշմամբ, ոչ լեգիտիմ նախագահն արդյո՞ք լեգիտիմ է համարվում, թե՞ ոչ։
Մանրամասները՝ տեսանյութում:
