20.04.2026 | 14:31
Երևանում մեկնարկել է Plug and Play-ի ստարտափների աջակցության ծրագրի երրորդ փուլը
Մարտի 1-ի օրերին մեր վերաբերմունքը զգայական էր. Իվետա Տոնոյան. ՏԵՍԱՆՅՈՒԹ
Քաղաքականություն
05.06.2019 | 13:34
«Չմոռանանք անմեղության կանխավարկածի մասին»,- Մարտի 1-ի գործով սպանության կասկածանքով ձերբակալված ոստիկանության զորքերի շտաբի նախկին պետ Գեղամ Պետրոսյանին առաջադրված մեղադրանքի մասին զգուշացնում է ԲՀԿ-ական պատգամավոր Իվետա Տոնոյանը։
Այսօր հրավիրված խորհրդարանական ճեպազրույցների ժամանակ նա առաջարկեց սպասել զարգացումներին, որպեսզի ասի, թե ինչ է մտածում նրա մեղավորության մասին։
Հարցին, թե 2008-ի մարտի 1-ին ԲՀԿ-ական այսօրվա պատգամավորներն ի՞նչ էին մտածում սպանությունների մասին, Իվետա Տոնոյանը նկատեց, որ այդ օրերին «բոլորի մոտ այնքան շոկային և էմոցիոնալ ֆոն է եղել, որ տեղի ունեցած իրադարձության գնահատականները քրեական հարթության մեջ են եղել և դրանից հետո նոր միայն որոշակի մանրամասներ են հրապարակվել, որոշակի անձանց մեղադրանքներ են առաջադրվել»։
Պատգամավորի տպավորությամբ՝ այսօր Մարտի 1-ի գործը բացահայտումների ընդգրկուն փուլ է տեղափոխվել, և իրենք հույս ունեն, որ հանցագործություններն ամբողջ ծավալով կբացահայտվեն։
Մանրամասները՝ տեսանյութում:
