20.04.2026 | 14:31
Երևանում մեկնարկել է Plug and Play-ի ստարտափների աջակցության ծրագրի երրորդ փուլը
Վտանգները կառավարվում են և արմատախիլ կարվեն․ Նիկոլ Փաշինյանը դավադիր ուժերի մասին. ՏԵՍԱՆՅՈՒԹ
Քաղաքականություն
05.06.2019 | 13:19
Պետք է շատ զգոն լինել, որպեսզի որևէ կողմնակի ազդեցություն դատարանների վրա չլինի։ Այս մասին այսօր լրագրողների հետ ճեպազրույցում ասաց ՀՀ վարչապետ Նիկոլ Փաշինյանը։
Նրա խոսքով՝ այժմ քննություն է ընթանում՝ պարզելու, թե եղե՞լ են նման միջամտություններ դատարանների գործերին:
Հարցին՝ 2016 թվականի ապրիլյան պատերազմի հանգամանքները քննող հանձնաժողովի ուսումնասիրությունների արդյունքում կլինե՞ն աղմկահարույց բացահայտումներ, վարչապետը պատասխանեց. «Քննիչ հանձնաժողովը ստեղծվում է մի նպատակով՝ պարզելու համար, թե արդյո՞ք մեր զինված ուժերը պատշաճ ձևով պատրաստ են եղել այդ զարգացումներին, բայց ոչ թե ինչ-որ մեկին պատժելու համար: Չնայած, եթե պարզվի, որ ինչ-որ մեկը մեծագույն սխալ է թույլ տվել, կպատժվի, բայց մեր մեծագույն նպատակն է՝ երաշխավորել, որ նույնպիսի իրավիճակ չի կարող լինել»։
Նիկոլ Փաշինյանը պնդեց՝ որևէ մեկը չի կարող խուսափել պատժից, բայց հանձնաժողովի նպատակը ԶՈՒ-ի նկատմամբ հասարակական վերահսկողությունն ուժեղացնելն է։
Մանրամասները՝ տեսանյութում։
