27.04.2026 | 23:25
ՔԿ նախագահ Արթուր Պողոսյանի մասին գրառման համար ֆեյսբուքյան օգտատիրոջը մեղադրանք է առաջադրվել
Նիկոլ Փաշինյանը բացահայտում է, թե ովքեր են Արցախի հարցում դավադիր ուժերը. ՏԵՍԱՆՅՈՒԹ
Քաղաքականություն
05.06.2019 | 12:51
Ես և՛ Արցախի, և՛ Հայաստանի ռազմաքաղաքական ղեկավարության հետ մի քանի անգամ հանդիպումներ եմ ունեցել և ներկայացրել եմ ղարաբաղյան հարցի լուծման վերաբերյալ իմ տեսլականը, և հետաքրքրվել եմ՝ իմ տեսլականի հետ կապված պահանջներ կա՞ն, համաձա՞յն են այդ տեսլականին, թե՞ ոչ: ԱԺ-ում լրագրողների հետ ճեպազրույցում այս մասին ասաց ՀՀ վարչապետ Նիկոլ Փաշինյանը՝ պատասխանելով հարցին, թե որո՞նք են Արցախի հարցում դավադիր ուժերը:
«Պարզվել է՝ բոլորը համաձայն են դրա հետ: Եվ երբ դրանից հետո այդ սեղանի շուրջ ներկա մարդիկ հրահրում են տակից՝ ասելով, որ այս Կառավարությունը հողեր է ծախում, ինձ մոտ հարց է առաջանում՝ ես այս մարդու հետ նստել, խոսել եմ գաղտնիության պայմաններում, թե ոնց եմ պատկերացնում, ինչ քայլերով պետք է գնանք առաջ: Եթե այդ մարդը դուրս է գալիս, իր օգնականին ասում է՝ գնա ֆեյսբուքում գրի, որ Փաշինյանը հողերը ծախում է, ինչի՞ համար է դա անում»,- ասաց վարչապետը:
Փաշինյանի հավաստմամբ՝ ինքն է ԼՂ հիմնախնդրի բանակցային գործընթացի վերաբերյալ փաստաթղթերը փոխանցել Արցախի իշխանություններին. «Նրանք դրանից առաջ տեղյակ չեն եղել ընդհանրապես՝ ինչ է բանակցվել ինձանից առաջ»:
Մանրամասները՝ տեսանյութում:
