02.07.2026 | 14:34
770 դրամ ելակի, 275 դրամ լոլիկի և 400 դրամ չերի լոլիկի յուրաքանչյուր կգ-ի արտահանման համար
Պատգամավորը կոչ է անում Կառավարությանն ու Մարդու իրավունքների պաշտպանին զբաղվել «Սասստեքսի» աշխատակիցների խնդրով․ ՏԵՍԱՆՅՈՒԹ
Տնտեսություն
04.06.2019 | 20:30
Ազգային ժողովի «Լուսավոր Հայաստան» խմբակցության պատգամավոր Անի Սամսոնյանն այսօր Մարդու իրավունքների պաշտպանի և խորհրդարանի ուշադրությունը հրավիրեց Գյումրի քաղաքում գործող «Սասստեքս» գործարանում տիրող իրավիճակի և գործադուլ անող աշխատակիցների խնդիրների վրա։
Պատգամավորը նշեց, որ ստեղծված իրավիճակը վկայում է այն մասին, թե ինչ իրավիճակում են գտնվում աշխատողների իրավունքները Հայաստանում, ինչպես նաև փաստում են պետության անգործության մասին։
Սամսոնյանն ասաց, որ աշխատակիցները տևական ժամանակ բարձրաձայնում են իրենց տարբեր աշխատանքային իրավունքների ոտնահարումների մասին, և կոչ արեց խնդրի կարգավորման համար Կառավարությանը և ՄԻՊ-ին ձեռնարկել գործուն միջոցներ։
Հիշեցնենք, որ այս գործարանում ստեղծված իրավիճակին Factor.am-ն անդրադարձել էր ավելի վաղ։
Մանրամասները՝ տեսանյութում։
