03.08.2026 | 23:30
Տաթև-Լծեն ավտոճանապարհին բեռնատարը դուրս է եկել երթևեկելի հատվածից և բախվել հողաթմբին
Սանավիացիայի ուղղաթիռն Արցախից չի կարող հիվանդներ տեղափոխել Երեւան
Հասարակություն
04.06.2019 | 21:13
«Արմենիա Հելիքոփթերս» ՍՊԸ-ին պատկանող սանիտարական ուղղաթիռն Արցախից Հայաստան չի կարող հիվանդներ տեղափոխել:
Այս մասին Factor.am-ի հետ զրույցում ասաց «Արմենիա Հելիքոփթերս» ՍՊԸ-ի ղեկավար Արսեն Մանուկյանը:
«Պատճառն այն է, որ այնտեղ օդային տարածքը փակ է քաղաքացիական ավիացիայի համար»,- ասաց տնօրենը:
Factor.am-ը Արսեն Մանուկյանից հետարքրվեց՝ իսկ անհրաժեշտության դեպքում հիվանդներին ինչպե՞ս են Արցախից Երեւան տեղափոխելու:
«Կարող են գալ Հայաստանի սահման եւ այնտեղից կտեղափոխենք»,- նշեց նա:
Հիշեցնենք, որ սանիտարական ուղղաթիռը ապրիլի 7-ին է շահագործման հանձնվել, որով հնարավոր դարձավ կարճ ժամանակում ծանր հիվանդներին մարզերից մայրաքաղաք տեղափոխել: Ուղղաթիռի թռիչքի մեկ ժամի համար քաղաքացին վճարելու է 720 հազար դրամ, իսկ եթե թռիչքն իրականացվում է պետպատվերի շրջանակներում, ապա վճարելու է պետությունը: Գործարկումից մինչ օրս սանիտարական ուղղաթիռով տեղափոխվել է 20 հիվանդ։
Նարեկ Կիրակոսյան
