28.09.2026 | 02:28
«Արդարացում չունեցող կոպիտ սխալ». Թաթա Սիմոնյանը ներողություն է խնդրել սեպտեմբերի 27-ին իր համերգի ցուցադրության համար
Մեծ Բրիտանիայում ԱՄՆ նախագահի դեմ բողոքի ցույցեր են անցկացվել
Քաղաքականություն
04.06.2019 | 18:47
Լոնդոնի կենտրոնական փողոցներում ԱՄՆ նախագահ Դոնալդ Թրամփի դեմ բողոքի ցույցեր են անցկացվել: Ակցիայի մասնակիցները ոսկե զուգարանակոնքի վրա նստած՝ ԱՄՆ նախագահին հիշեցնող տիկնիկի միջոցով իրենց դժգոհությունն են հայտնել Թրամփի պետական այցի դեմ: Այս մասին գրում է բրիտանական Independent-ը:
16 ոտնաչափ երկարությամբ «Աղբակույտ Թրամփ» անվանումով տիկնիկը հնչեցրել է ԱՄՆ նախագահի կողմից նախկինում արված հայտնի արտահատություններ։
Տիկնիկը դեռ բողոքի ցույցից առաջ է Լոնդոնի Թրաֆալգարյան հրապարակում հայտնվել: Ձևավորման հեղինակն ամերիկացի գրող և փորձագետ Դոն Լեսեն է։ Նրա խոսքով՝ տիկնիկի պատրաստման համար սեփական խնայողություններից 25 հազար դոլար է ծախսել:
Հիշեցնենք, որ ԱՄՆ նախագահ Դոնալդ Թրամփի պետական այցը Մեծ Բրիտանիա մեկնարկել է երեկ: Նա արդեն մի շարք հանդիպումներ է ունեցել, նրան տիկնոջ՝ Մելանյա Թրամփի հետ ընդունել է Եղիսաբեթ 2-րդ թագուհին:
Սա Միացյալ Թագավորություն Թրամփի երկրորդ այցելությունն է: Ավելի ուշ տեղեկություն էր ստացվել այն մասին, որ բրիտանացիները պատրաստվում են ԱՄՆ նախագահին զանգվածային ցույցերով դիմավորել:
Նելլի Մելքոնյան
