02.09.2026 | 23:08
31 տեսախցիկ, 48 նոր ավտոմեքենա և ուսումնաարտադրական կենտրոններ․ Սրբուհի Գալյանը ներկայացրել է բարեփոխումները
Կքննարկվի «Գազպրոմ Արմենիա»-ին 10 մլն դրամով տուգանելու հարցը
Տնտեսություն
04.06.2019 | 15:47
Հանրային ծառայությունները կարգավորող հանձնաժողովը հունիսի 5-ի նիստում կքննարկի «Գազպրոմ Արմենիա» ընկերությանը 10 մլն դրամով տուգանելու հարցը։
Ըստ ծառայության՝ այս ընկերությունում իրականացվել է մոնիթորինգ, որի արդյունքում պարզվել է, որ ընկերության կողմից իրականացված միացման աշխատանքների մի մասում չեն պահպանվել հանձնաժողովի որոշմամբ հաստատված բնական գազի մատակարարման և օգտագործման կանոնները։
Ընկերության կողմից ներկայացված նոր միացման գործընթացի վերաբերյալ տեղեկատվության մեջ չի ներառվել առանձնատների, 3 դեպքում՝ 100 խմ և ավելի ժամային սպառում ունեցող սպառողների, 2 դեպքում՝ նախկինում դիմած և հաշվետու եռամսյակի վերջի դրությամբ գազամատակարարման ցանցին չմիացված գազասպառման համակարգերը գազամատակարարման ցանցին միացնելու վերաբերյալ տեղեկությունը:
Հանձնաժողովը որոշել է կանոնների կետերը և լիցենզիայի պայմանները խախտելու համար ընկերությանը տուգանել` 10 000 000 դրամ գումարի չափով։
