16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
Պատրաստ ենք սկսել «Շիրակ» օդանավակայանի վերանորոգումը. Մարտին Էռնեկյան. ՏԵՍԱՆՅՈՒԹ
Տնտեսություն
04.06.2019 | 11:10
«Զվարթնոց» օդանավակայանի կոնցեսիոն կառավարիչ «Կորպորասիոն Ամերիկա օդանավակայաններ» ընկերությունն աշխարհում 10-րդն է՝ ուղևորների սպասարկման առումով։ Ընկերությունը 2014 թվականից կազմակերպում է օդանավակայանների ներկայացուցիչների մասնակցությամբ գագաթնաժողովներ, որոնցից հերթականն անցկացվեց Երևանում։
«Կորպորասիոն Ամերիկա օդնավակայաններ» ընկերության գործադիր տնօրեն Մարտին Էռնեկյանը լրագրողների հետ զրույցում նշեց, որ սա ընդգծում է փաստը, թե իրենց համար որքան կարևոր է Հայաստանը։ Խոսելով Հայաստանում գործունեություն ծավալելու նպատակահարմարությունից՝ Մարտին Էռնեկյանն ասաց, որ իրենք Հայաստանում մեծ խնդիրների կամ խոչընդոտների չեն հանդիպում:
«Մենք շատ ուրախ ենք, որ նոր կառավարության հետ շատ ամուր համագործակցություն ունենք։ Նոր կառավարության հետ աշխատելու ենք՝ սահմանելու նոր առաջնահերթությունները»,- ասաց նա:
Մարտին Էռնեկյանն անդրադարձավ նաև Գյումրիի «Շիրակ» օդանավակայանի վերանորոգման անհրաժեշտությանը, որի մասին գագանաժողովում խոսել էր նաև վարչապետ Նիկոլ Փաշինյանը:
«Մենք գրեթե պատրաստ ենք սկսել «Շիրակ» օդանավակայանի վերանորոգման աշխատանքները»,- ասաց Մարտին Էռնեկյանը։
Նրա հավաստմամբ՝ «Զվարթնոցի» հին ուղևորային համալիրի կարևորության մասին «Կորպորասիոն Ամերիկա օդանավակայաններ» ընկերությունում գիտեն, և ամեն ինչ անելու են՝ այն պահպանելու համար։
Մանրամասները՝ տեսանյութում:
Ռոբերտ Անանյան
