15.01.2026 | 23:35
Ավարտվել է ՀՀ շախմատի առաջնությունների 3-րդ խաղափուլը․ Զավեն Անդրիասյանը միանձնյա առաջատար է
Ի՞նչ եղան դրանք․ Արման Բաբաջանյանը ԿԲ նախագահին հատ-հատ հիշեցրեց տված խոստումները․ ՏԵՍԱՆՅՈՒԹ
Քաղաքականություն
04.06.2019 | 12:30
Ազգային ժողովի «Լուսավոր Հայաստան» խմբակցության պատգամավոր Արման Բաբաջանյանն այսօր խորհրդարանում Կենտրոնական բանկի նախագահ Արթուր Ջավադյանին հիշեցրեց նրա պաշտոնավարման տարիներին վերջինիս տված խոստումները և հետաքրքրվեց՝ ի՞նչ եղան դրանք։
«2008 թվականին Դուք խոստանում էիք 2009 թվականին ստեղծել համահայկական բանկ՝ 30 միլիարդ դրամ կանոնադրական կապիտալով, որով պետք է լուծվեին խոշոր ծրագրերի տնտեսական հարցեր: Ի՞նչ եղավ: 2003 թվականի տխրահռչակ որոշմամբ ԿԲ-ի և այն ժամանակ քաղաքական իշխանության, վստահ եմ՝ Քոչարյանի գլխավորությամբ 18 մլն դոլարով վաճառվեցին 1,4 տոննա կազմող մեր ոսկու պահուստները: Հետագայում պարզվեց, որ մենք վաճառել ենք կրկնակի էժան: 2015 թվականին, պարոն Ջավադյան, հայտարարել էիք այս ամբիոնից, որ ոսկու պաշարները փորձում եք վերականգնել և բանակցում է շվեյցարական հեղինակավոր մի ընկերության հետ, որը Հայաստանում գործարան է բացելու․ ի՞նչ եղան այդ խոստումները»,- ԿԲ նախագահին հարցեր ուղղեց պատգամավորը՝ հետաքրքվելով․
«2020 թվականին Ձեր ժամկետը լրանում է՝ Դուք չեք կարող Ձեր ժամկետը երկարացնել, կամ Ձեզ չեն կարող ներկայացնել այստեղ: Դրանից հետո Դուք որտե՞ղ եք Ձեզ պատկերացնում՝ կվերադառնաք մասնավո՞ր հատված, որտեղ կուտակել եք Ձեր նախնական կապիտալը, թե՞ այլ պետական հաստատությունում եք տեսնում Ձեր պաշտոնավարումը»:
Մանրամասները՝ տեսանյութում։
