Տնտեսություն
04.06.2019 | 09:34«Ձեր ներկայությունը և աջակցությունը նոր ներարկում է մեր ջանքերին՝ Հայաստանում աշխատելու ուղղությամբ։ Շնորհակալություն, որ հնարավորություն է ընձեռնվում Հայաստանում աշխատելու և զարգանալու»,- դիմելով ՀՀ վարչապետ Նիկոլ Փաշինյանին՝ «Կորպորասիոն Ամերիկա օդնավակայաններ»-ի ղեկավարության գագաթնաժողովում հայտարարեց ընկերության գործադիր տնօրեն Մարտին Էռնեկյանը:
Հիշեցնենք, որ «Զվարթնոց» օդանավակայանի կոնցեսիոն կառավարումն այս ընկերությունն սկսել է 2002 թվականից՝ Կառավարության հետ պայմանագիր ստորագրելով: 2008 թվականին ձեռք է բերվել նաև Շիրակի օդանավակայանի կոնցեսիոն կառավարման իրավունքը։
Մարտին Էռնեկյանը նշեց, որ ընկերությունը գրանցված է Նյու Յորքի բորսայում. «Հայաստանը մեր նախնիների հայրենիքն է և այն շատ հատուկ զգացմունքներ է առաջացնում, և մենք՝ ես և Էդուարդոն, որոշեցինք ներդրումներ կատարել այստեղ այն ոլորտում, որին մենք լավագույնս ծանոթ ենք»,- ասաց Մարտին Էռնեկյանը։
Մինչ «Կորպորասիոն Ամերիկա օդնավակայաններ» ընկերության գործադիր տնօրենի պաշտոնը զբաղեցնելը՝ Մարտին Էռնեկյանն ավելի քան մեկ տասնամյակ եղել է ACI-ի Լատինական Ամերիկա-Կարիբյան տարածաշրջանի գրասենյակի ակտիվ անդամ, իսկ 2016 թվականից՝ նախագահ:
Մանրամասները՝ տեսանյութում:
Ռոբերտ Անանյան
