08.10.2026 | 17:35
Եվրախորհրդարանում կոչ են արել փակել ԵՄ տարածքում գործող բոլոր «Ռուսական տները»
Աշոտ Ղուլյանը կարևորել է ՀԲԸՄ կողմից շարունակաբար իրականացվող ծրագրերն Արցախում
03.06.2019 | 21:12
Արցախի Հանրապետության Ազգային ժողովի նախագահ Աշոտ Ղուլյանը հանդիպել է Հայ Բարեգործական Ընդհանուր Միության պատվիրակությանը՝ միության նախագահ Պերճ Սեդրակյանի գլխավորությամբ: Այս մասին հայտնում են ԱՀ ԱԺ-ից:
Աշոտ Ղուլյանը կարևորել է ՀԲԸՄ կողմից շարունակաբար իրականացվող ծրագրերն Արցախում և դրանց ազդեցությունը սոցիալական ու հանրային զարգացման գործում, ինչպես նաև համահայկական կազմակերպության դերը՝ Սփյուռքում հայ ինքնության պահպանման, Հայրենիք-Սփյուռք հարաբերությունների ամրապնդման հարցում:
ՀԲԸՄ նախագահն իր հերթին ներկայացրել է գալիք ծրագրերի տեսլականը, միության ընթացիկ գործունեությունը, այդ թվում՝ Արցախում ՀԲԸՄ կենտրոնի հիմնադրման ուղղությամբ աշխատանքները՝ նշելով, որ ազնիվ համագործակցությունն ու Արցախում ժողովրդավարական գործընթացների առաջընթացը նպաստել են նաև իրենց գործունեության հաջողությանը:
Կողմերը քննարկել են նաև կրթական, սոցիալ-մշակութային բնագավառներում նոր հնարավորությունների կիրառման հեռանկարները:
