14.12.2025 | 18:20
Թաիլանդն ու Կամբոջան շարունակում են ռազմական գործողությունները
Կառավարությունը հստակեցնում է ՀԷԿ-երի ջրօգտագործման ոլորտում թույլտվությունների տրամադրման և մերժման հիմքերը․ ՏԵՍԱՆՅՈՒԹ
Տնտեսություն
03.06.2019 | 16:22
Ազգային ժողովի հունիսի 3-ի նիստում քննարկվեց Ջրային օրենսգրքում լրացում և փոփոխություններ կատարելու մասին ներկայացված նախագիծը։ Նշենք, որ նախագծի հեղինակը ՀՀ կառավարությունն է։
Ըստ հարցի զեկուցող, շրջակա միջավայրի նախարար Էրիկ Գրիգորյանի՝ առաջարկվող փոփոխություններով փորձ է արվում կարգավորել փոքր ՀԷԿ-երի ջրօգտագործման ոլորտում թույլտվությունների տրամադրման և մերժման հիմքերը։
«Նախաձեռնությամբ առաջարկվում է արգելել որոշակի գետահատվածներում և գետերում ջրօգտագործման թույլտվությունը, մասնավորապես, այն գետերը, որտեղ առկա են ՀՀ կարմիր գրքում գրանցված կամ տարածքին բնորոշ էնդեմիկ ձկնատեսակների ձվադրավայրեր, այն գետերը, որոնց ծանրաբեռնվածությունը դերիվացիոն խողովակներով 40 տոկոս և ավելի է, նաև այն գետերը, որոնց վրա կան ջրաչափական դիտակետեր և նախատեսվող ջրառի և ջրահեռացման նիշերը շրջանցում են ջրաչափական դիտակետերը»,- ասաց նախարարը՝ նշելով, որ նախատեսվում են նաև այն գետահատվածները, որտեղ կարգելվի թույլտվության տրամադրումը։
Ըստ Գրիգորյանի՝ խոսքը վերաբերվում է հատուկ պահպանվող տարածքների պահպանման գոտիներին, բնության հուշարձանների 150 մետր շառավղով հարակից տարածքներին, գետերի հոսքի ձևավորման տարածքներին, սողանքային տարածքներին։
Մանրամասները՝ տեսանյութում։
