05.06.2026 | 09:55
Ռուբլին արժեզրկվում է․ արտարժույթների փոխարժեքները՝ հունիսի 5-ի դրությամբ
Նախագահը քաղաքական պատվեր է կատարում, նա կաշկանդված է. Զարուհի Փոստանջյանը՝ Վահե Գրիգորյանի թեկնածության մասին. ՏԵՍԱՆՅՈՒԹ
Քաղաքականություն
03.06.2019 | 15:57
Քանի որ մեր երկրում տեղի չունեցավ իրական հեղափոխություն, այլ տեղի ունեցավ տեղափոխություն, դրա արդյունքն էլ պետք է լիներ նման առաջադրումը: Այսօր լրագրողների հետ զրույցում ասաց «Երկիր Ծիրանի» կուսակցության առաջնորդ Զարուհի Փոստանջյանը՝ անդրադառնալով նախագահ Արմեն Սարգսյանի կողմից ՍԴ անդամի պաշտոնում փաստաբան Վահե Գրիգորյանի թեկնածության առաջադրմանը:
«Ես որևիցե կերպ չեմ ուզում Վահե Գրիգորյանի անձը կամ նրա իրավական գիտելիքները թերի գնահատել: Բայց այն, որ այս առաջադրումը տեղի է ունենում քաղաքական նպատակահարմարության ներքո և մի անձի կողմից, ով այդ իրավասությունը չունի՝ ի դեմս նախագահի, հասկանալի է: Նա ուղղակի քաղաքական պատվեր է կատարում, քանի որ կաշկանդված է իր կողմից կեղծ տեղեկատվություն ներկայացնելու հանգամանքով»,- ասաց Փոստանջյանը:
Նրա խոսքով՝ Հայաստանում, ըստ էության, չունենք քաղաքական հակակշիռներ և զսպումների կառուցակարգեր. «Դրա մասին է վկայում, որ մի քանի անգամ նա թեկնածու է առաջադրում, այդ թեկնածուն չի անցնում, հետո առաջադրվում է այն թեկնածուն, որը ցանկալի է իշխող մեծամասնության համար»:
Մանրամասները՝ տեսանյութում:
