08.11.2026 | 18:50
ԱԺ 4 պատգամավորներ նոյեմբերի 25-28-ը կգործուղվեն Բեռլին
«Զակազը տվել է Արայիկ Հարությունյանը». Սամվել Բաբայանի համակիրն ուշագրավ հայտարարություն է անում. ՏԵՍԱՆՅՈՒԹ
Քաղաքականություն
03.06.2019 | 14:21
Այն, ինչը տեղի է ունեցել Սևանի մայրուղում, որևէ անձնական, կենցաղային կամ ֆինանսական խնդիրներ չի պարունակում: Այս մասին մամուլի ասուլիսի ժամանակ հայտարարեցին Սամվել Բաբայանի աջակիցներ Արմեն Մեժլումյանը և Արամ Հովակիմյանը:
«Սա քաղաքական բնույթ է կրում: Մենք մի քանի ամիս է՝ սատարում ենք Արցախի հերոս Սամվել Բաբայանին, իր կողմնակիցներն եք: Արայիկ Հարությունյանը, որ հայտարարություններ է անում, թե սա կենցաղային բնույթի հարց է, նման բան չկա»,- ասացին ասուլիսի մասնակիցները:
«Արայիկ Հարությունյանը ստախոս է, ստում է: Մենք ապրում ենք անուն-ազգանունի համար, ոչ թե դրամ-դոլարի համար: Եթե Արայիկ Հարությունյանն իր խոսքի տերն է, թող գա, դեմ առ դեմ հանդիպենք, որ մարդիկ իմանան, թե ինչ է կատարվում Արցախում: Ավտոմեքենայի մեջ եղել ենք ես ու իմ ընկեր Արամը: Ուրիշ մարդ չի եղել: Մեզ հետաքրքիր է, թե ո՞վ է զակազը տվել: Ես ասում եմ, որ զակազը տվել է Արայիկ Հարությունյանը»,- հայտարարեցին Բաբայանի կողմնակիցները:
Դիտարկմանը, թե նման բացահայտ մեղադրանք հնչեցնելու համար փաստեր ունի՞, Սամվել Բաբայանի աջակիցն ասաց. «Արայիկ Հարությունյանն ասում է, որ սա կենցաղային վեճ է, բայց կենցաղային չէ, այդ մարդկանց չենք ճանաչում: Դրանք բոլորն «Ազատ հայրենքի» կուսակցության համակիրներն են: Եթե հմապատասխան մարմինները հարցին լուծում չտան, մենք կտանք»:
Մանրամասները՝ տեսանյութում:
Նարեկ Կիրակոսյան
