28.09.2026 | 02:28
«Արդարացում չունեցող կոպիտ սխալ». Թաթա Սիմոնյանը ներողություն է խնդրել սեպտեմբերի 27-ին իր համերգի ցուցադրության համար
Սաակաշվիլին մտադիր է առաջիկայում Վրաստան վերադառնալ
Քաղաքականություն
03.06.2019 | 14:26
Վրաստանի նախկին նախագահ, Օդեսայի նախկին նահանգապետ Միխայիլ Սաակաշվիլին մտադիր է առաջիկայում Վրաստան վերադառնալ: Այս մասին նա ասել է TCH-ին տված հարցազրույցում:
«Մեկ կամ երեք ամիս անց»,- հայրենիք վերադառնալու ժամկետի մասին լրագրողի հարցին ի պատասխան՝ ասել է Վրաստանի նախկին նախագահը:
Հիշեցնենք, որ 2018 թվականին Վրաստանում Միխայիլ Սաակաշվիլիին հեռակա կարգով 6 տարվա ազատազրկման են դատապարտել: Այնտեղ նրա դեմ նաև մի քանի քրեական գործ է հարուցված:
Ավելի վաղ Վրաստանի խորհրդարանի պատգամավորները հայտարարել էին, որ իրավապահները մտադիր են հասնել այն բանին, որ Ուկրաինան արձահանձնի Սաակաշվիլիին:
Հավելենք նաև, որ վերջերս Ուկրաինայի նորընտիր նախագահ Վլադիմիր Զելենսկին բավարարել էր ուկրաինական քաղաքացիությունը վերականգնելու մասին Օդեսայի նախկին նահանգապետի խնդրանքը, ինչի արդյունքում Սաակաշվիլին Ուկրաինա է վերադարձել:
