16.01.2026 | 09:26
Միջպետական և հանրապետական նշանակության ավտոճանապարհները բաց են
Չավուշօղլուն դարձյալ խոսել է ղարաբաղյան հակամարտությունից
Քաղաքականություն
03.06.2019 | 13:00
Թուրքիայի արտգործնախարար Մևլութ Չավուշօղլուն Սաուդյան Արաբիայում ընթացող «Իսլամական համագործակցություն» կազմակերպության (ԻԻԿ) 14-րդ գագաթնաժողովի շրջանակներում խոսել է ղարաբաղյան հակամարտության մասին՝ կրկնելով թուրք-ադրբեջանական հիմնազուրկ թեզերը. գրում է ermenihaber-ը:
Խոսելով Սիրիայի, Լիբիայի, Կիպրոսի, Յեմենի հակամարտությունները կարգավորելու անհրաժեշտության մասին՝ թուրք պաշտոնյան նաև անդրադարձել է ղարաբաղյան հիմնահարցին։
«Լեռնային Ղարաբաղի խնդիրը պետք է կարգավորվի Ադրբեջանի տարածքային ամբողջականության, ինքնիշխանության, միջազգային իրավունքների, ինչպես նաև ՄԱԿ-ի կողմից ընդունված բանաձևերի շրջանակներում»,- ասել է Չավուշօղլուն։
Նշենք, որ ԻԻԿ-ի գագաթնաժողովներում Թուրքիան հաճախակի է հնչեցնում ղարաբաղյան հարցը՝ դրսևորելով բացահայտ կողմնակալ և ադրբեջանամետ պահվածք։
