02.07.2026 | 10:00
Արտարժույթների փոխարժեքները՝ հուլիսի 2-ի դրությամբ
Մարտի 1-ին տուժած, բայց քրեական հետապնդման ենթարկված ոստիկաններն աջակցություն չեն ստանա․ ՏԵՍԱՆՅՈՒԹ
Քաղաքականություն
03.06.2019 | 13:18
2008 թվականի մարտի 1-ից 2-ը Երևան քաղաքում տեղի ունեցած իրադարձությունների ժամանակ տուժած անձանց աջակցության մասին ԱԺ փոխնախագահ Լենա Նազարյանի և Ալեն Սիմոնյանի ներկայացրած օրենսդրական նախաձեռնությունը առաջինից երկրորդ ընթերցման ժամանակ ենթարկվել է որոշակի փոփոխությունների։
Մասնավորապես՝ փոփոխություններից մեկով փոխհատուցում չեն ստանա այն ոստիկանները, որոնք Մարտի 1-ի իրադարձությունների ժամանակ տուժել են, սակայն քրեական հետապնդման են ենթարկվել իրենց արարքների համար, եթե, իհարկե, նրանց նկատմամբ հետապնդումը չի դադարեցվել՝ արդարացման հիմքով:
«Օրենքն ավելի որոշակի դարձնելու համար մի շարք առաջարկություններ եմ ներկայացվել նախագծի հեղինակներին: Դրանք քննարկվել են պետաիրավական հարցերի հանձնաժողովում և արժանացել դրական եզրակացության: 2-րդ հոդվածի 2-րդ մաս ենք ավելացրել, որով նախատեսվում է, որ աջակցությունից կարող են օգտվել այն անձինք, որոնք իրենց ծառայողական պարտականությունները կատարելու ընթացքում վնասվածք են ստացել, բայց այդ գործողությունների ժամանակ իրենց մասնակցությամբ քրեական հետապնդման չեն ենթարկվել. կամ նրանց նկատմամբ քրեական հետապնդում չի իրականացվել, կամ քրեական հետապնդումը դադարեցվել է արդարացման հիմքով»,- ասաց ԱԺ «Իմ քայլը» խմբակցության պատգամավոր Սիսակ Գաբրիելյանը։
Մանրամասները՝ տեսանյութում։
