02.09.2026 | 23:08
31 տեսախցիկ, 48 նոր ավտոմեքենա և ուսումնաարտադրական կենտրոններ․ Սրբուհի Գալյանը ներկայացրել է բարեփոխումները
Մահացել է կինոգետ Անրի Վարդանովը
Մշակույթ
31.05.2019 | 14:57
89 տարեկանում մահացել է կինոգետ, բանասիրության դոկտոր Անրի Վարդանովը: Այս մասին տեղեկանում ենք ՌԴ Կինեմատոգրաֆիստների միության պաշտոնական կայքից:
«2019 թվականի մայիսի 30-ին կյանքի 89-րդ տարում հիվանդությունից հետո վախճանվել Է գիտնական, բանասիրության դոկտոր, պրոֆեսոր, կինոգետ, հեռուստատեսային քննադատ Անրի Սուրենի Վարդանովը»,-նշվում է հաղորդագրությունում:
Անրի Վարդանովը ծնվել Է 1931 թվականին Թբիլիսիում: Աղբյուրի փոխանցմամբ՝ նա դասախոսել Է Լոմոնոսովի անվան Մոսկվայի պետական համալսարանի ժուռնալիստիկայի ֆակուլտետում:
Նա կինոարվեստի հարցերին նվիրված բազմաթիվ հետազոտությունների, սոցիումում զանգվածային հաղորդակցամիջոցների գործառման խնդիրների շուրջ ուսումնասիրությունների հեղինակ Է:
Անրի Վարդանովը նյութեր Է հրապարակել «Искусство кино», «Вопросы литературы», «Литературное обозрение», «Театр», «Искусство» և այլ պարբերականներում, տարբեր տարիների հեռուստատեսությունում վարել Է կինոյի և լուսանկարչության հարցերին նվիրված հաղորդաշարեր:
