30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Իրանի հոգևոր առաջնորդը բացառել է Թեհրանի և Վաշինգտոնի միջև բանակցությունների հավանականությունը
Քաղաքականություն
30.05.2019 | 14:38
Իրանի Իսլամական Հանրապետության հոգևոր առաջնորդ Ալի Խամենեին բացառել է Թեհրանի և Վաշինգտոնի միջև բանակցությունների հավականությունը: Նրա կարծիքով՝ ԱՄՆ-ի հետ բանակցությունները, վնասից բացի, ոչինչ չեն բերում: Այս մասին գրում է ՏԱՍՍ-ը՝ վկայակոչելով PressTV-ն:
«Մենք նախկինում հայտարարել ենք, որ չենք բանակցի Ամերիկայի հետ, քանի որ դրանք որևէ օգուտ չեն տալիս, վնաս են պատճառում»,- ասել է Խամենեին:
Հոգևոր առաջնորդի այս հայտարարությունը հետևել է Իրանի նախագահ Հասան Ռոհանիի՝ ԱՄՆ-ի հետ բանակցելու հնարավորության մասին ելույթին: Ռոհանին նշել էր, որ դա հնարավոր է միայն այն դեպքում, եթե Վաշինգտոնը հետևի միջուկային գործարքի պայմաններին:
Խամենեին նաև իրանական իշխանություններին կոչ է արել օգտագործել ԱՄՆ-ի վրա «ճնշման գործիքները», այդ թվում՝ գիտական և միջուկային՝ ի պատասխան տարածաշրջանում ԱՄՆ-ի քաղաքականության:
«Ռազմավարությունը, որին մենք պետք է հետևենք, մեր ունեցած ճնշման միջոցների օգտագործումն է: Դրանք ոչ միայն ռազմական գործիքներն են: Սակայն, անհրաժեշտության դեպքում, մենք կարող ենք դիմել նաև ռազմական ուժի օգնությանը»,- ասել է Ալի Խամենեին:
Նշենք, որ 2018 թվականի մայիսին ԱՄՆ-ն հրաժարվեց իրանական միջուկային գործարքից և Իրանի դեմ մի շարք տնտեսական պատժամիջոցներ սահմանեց, այդ թվում՝ հասավ Թեհրանի կողմից նավթի արտահանման լիարժեք դադարեցման: Իրանի և ԱՄՆ-ի միջև քաղաքական առճակատումը հանգեցրեց Պարսից ծոցում իրավիճակի կտրուկ սրման այն բանից հետո, երբ Վաշինգտոնը, որպես Թեհրանի իշխանություններին ազդակ, այնտեղ ՌԾՈՒ-ի հարվածային խումբ ուղարկեց՝ USS Abraham Lincoln ավիակրի գլխավորությամբ:
