11.03.2026 | 20:30
ՀՀ-ի ազգային անվտանգությանը հարված հասցնելու նշաններ են տեսել․ ԱՀԾ-ի ուղերձն այդ պատճառով է․ Լիլիթ Մակունց. ՏԵՍԱՆՅՈՒԹ
«Եվրոպան ու ԱՄՆ-ը Թուրքիային հարվածելու համար միշտ էլ օրակարգ են բերել հայկական բանաձևը». թուրք նախարար
Քաղաքականություն
29.05.2019 | 15:20
Թուրքիայի ներքին գործերի նախարար Սուլեյման Սոյլուն մեղադրել է ԱՄՆ-ին ու եվրոպական երկրներին Թուրքիային հարվածելու համար պարբերաբար Հայոց ցեղասպանության մասին բանաձևեր օրակարգ բերելու համար. գրում է ermenihaber-ը:
Ստամբուլում ընթացող Սևծովյան կազմակերպությունների հավաքին ելույթ ունեցած Սոյլուն մասնավորապես ասել է. «Ամերիկան էլ, Եվրոպան էլ երբ ցանկացել են այս ժողովրդին հարվածել, միշտ հայկական բանաձև են օրակարգ բերել: Դա արել են մեզ իբրև ջարդարար ազգ ներկայացնելու համար, մեզ մեկուսացնելու համար»:
Սոյլուն ակնարկել է, որ այժմ որոշ հարցերում Թուրքիայից կախված լինելու պատճառով այդ երկրները փոխել են իրենց քաղաքականությունը:
«Թուրքիան Սիրիայի հարցում սիրիացիների համար ընդունելի քաղաքականություն է որդեգրել: Այժմ ողջ աշխարհից իմ գործընկերնրը, փախստականների հարցերով զբաղվող բոլոր կազմակերպությունների ամենաբարձրաստիճան ղեկավարները այստեղ են գալիս, քանի որ փախստականների խնդիրը ես եմ վերահսկում: Գալիս են, նայում են ճամբարները (Թուրքիայում հիմնված սիրիացի փախստականներ ճամբարներ-խմբ.), ծանոթանում փախստականների կենսապայմաններին: Գնալիս ասում են, որ մենք մեծ ժողովուրդ ենք: Մինչդեռ դրանից առաջ կար մի աշխարհ, որը հայկական բանաձևը, որպես մահակ օգտագործելով, ցանկանում էր դաստիարակել մեզ»:
