06.06.2026 | 17:34
Աննախադեպ կարկուտի պատճառով Ստեփանավանի համայնքապետարանն անցել է արտակարգ ռեժիմի. հայտարարություն
Այն ծառայում է «Վիվառոյի» շահերին. «Գուդվինի» ղեկավարը՝ Ալեն Սիմոնյանի հեղինակած օրենքի նախագծի մասին. ՏԵՍԱՆՅՈՒԹ
Քաղաքականություն
29.05.2019 | 14:31
Քիչ առաջ ավարտվեց ԱԺ պատգամավորների և «Գուդվին» ընկերության ներկայացուցիչների հանդիպումը խորհրդարանում: Հիշեցնենք, որ այս ընկերության աշխատակիցները բողոքի ակցիա են կազմակերպել բուքմեյքերական ընկերությունների աշխատանքը սահմանափակող օրենքի նախագծի դեմ:
Նրանք հանդիպում էին պահանջում ԱԺ նախագահ Արարատ Միրզոյանի հետ: Պատգամավորների հետ հանդիպումից հետո «Գուդվին» ընկերության ղեկավար Սարգիս Միքայելյանը նշեց, որ այս նախագծով արտոնյալ պայմաններ է ստեղծվում «Վիվառո» ընկերության համար:
Հիշեցնենք, որ օրենսդրական նախաձեռնության հեղինակն ԱԺ փոխնախագահ Ալեն Սիմոնյանն է: «Ակնհայտ դա երևում է: Եթե այսօր այս դաշտում գործում է չորս ընկերություն: Այս նախագիծը ծառայում է այն ընկերության շահերին, որը տիրույթում առաջատար է: Դա «Վիվառոն» է, ինչի՞ մասին է խոսքը: Ես չգիտեմ, թե ինչո՞ւ է այդպես ձևավորվել, հարցրեք նախագծի հեղինակից»,- ասաց Սարգիս Միքայելյանը:
Մանրամասները՝ տեսանյութում:
Նարեկ Կիրակոսյան
