20.04.2026 | 14:31
Երևանում մեկնարկել է Plug and Play-ի ստարտափների աջակցության ծրագրի երրորդ փուլը
Մակունցի հայտարարությունից Մարուքյանն անակնկալի եկավ. վեթինգի մասին նախագծից «խաբար» չէին. ՏԵՍԱՆՅՈՒԹ
Քաղաքականություն
29.05.2019 | 13:13
Ազգային ժողովի «Իմ քայլը» խմբակցությունն ամիսներ առաջ նախաձեռնել էր վեթինգի վերաբերյալ օրենսդրական նախաձեռնություն, որն արդեն ավարտման փուլում է և և շուտով կներկայացվի հանրային քննարկման։
Այս մասին այսօր խորհրդարանում իր ելույթում ասաց ԱԺ«Իմ քայլը» խմբակցության ղեկավար Լիլիթ Մակունցը։
«Նախագիծը մշակելու գործընթացը սկսվել է ամիսներ առաջ և այս պահին այն գտնվում է մշակման վերջնականացման փուլում և այդ իսկ պատճառով դիմում եմ «Լուսավոր Հայաստանի» ու «Բարգավաճ Հայաստանի» մեր գործընկերներին մեկ շաբաթվա ընթացքում գրավոր կերպով ներկայացնել առաջարկություններ ու մտահոգություններ»,- ասաց նա։
Լիլիթ Մակունցի այս հայտարարությունը անակնկալի բերեց «Լուսավոր Հայաստան» խմբակցության ղեկավար Էդմոն Մարուքյանին։
«Նախ, տիկին Մակունց, ամիսներ առաջ, որ դուք սկսել եք աշխատել դրա վրա, ու մենք խաբար չենք դրա մասին, դա արդեն վատ նախադեպ է: Ես գիտեմ, որ ամիսներ առաջ վեթինգի մասին խոսակցություն չի եղել, խոսվել է միայն անցումային արդարադատության մասին: Հիմա պետք է խումբ ստեղծել ու այդ խմբում աշխատել, ոչ թե սշխատել մի բանի վրա ու հետո մեզանից առաջարկություններ ուզել: Ինչի՞ շուրջ առաջարկություն տանք, ի՞նչ իմանանք՝ ինչ եք գրել, որ առաջարկություն տանք»,- ասաց պատգամավորը։
Մանրամասները տեսանյութում։
