02.07.2026 | 10:00
Արտարժույթների փոխարժեքները՝ հուլիսի 2-ի դրությամբ
Ադրբեջանի տված անվտանգության երաշխիքներն առ ոչինչ էին, ԱԺ-ն սատարում է Հենրիխ Մխիթարյանին․ ՏԵՍԱՆՅՈՒԹ
Քաղաքականություն
29.05.2019 | 13:06
Ազգային ժողովի «Իմ քայլը» խմբակցության պատգամավոր Մխիթար Հայրապետյանն այսօր խորհրդարանում անդրադարձավ Հայաստանի հավաքականի ավագ Հենրիխ Մխիթարյանի՝ Բաքվում Եվրոպայի լիգայի եզրափակիչ խաղերին չմասնակցելու որոշմանը։
Ըստ Հայրապետյանի՝ Բաքվում այդ խաղերն անցկացնելու հանգամանքը գալիս է փաստելու, որ մարզաշխարհը նվեր մատուցեց այդ քայլով Ադրբեջանին՝ ինչի-ինչ նպատակներից ելնելով՝ ոտնահարելով իր իսկ կողմից հնչեցված «Ոչ ռասիզմին» կոչերը։
Պատգամավորը նշեց, որ անվտանգության երաշխիքները, որի մասին ի լուր աշխարհի Ադրբեջանը հայտարարում է, դատարկախոսություններ են և մեր ֆուտբոլիստի առաջ դրվել էր կոնկրետ հարց՝ անվտանգության և ֆուտբոլի միջև, հետևաբար Մխիթարյանի որոշումը ճիշտ էր, քանի որ արդեն իսկ ապացուցվել է, որ Ադրբեջանի կողմից տրված անվտանգության երաշխիքները առ ոչինչ են։
«Ես սատարում եմ և վստահաբար, սա նաև կարող եմ ԱԺ անունից ասել․ մենք սատարում ենք մեր ֆուտբոլիստի կայացրած ճիշտ որոշումը»,-ասաց Հայրապետյանը։
Մանրամասները՝ տեսանյութում։
