27.04.2026 | 23:25
ՔԿ նախագահ Արթուր Պողոսյանի մասին գրառման համար ֆեյսբուքյան օգտատիրոջը մեղադրանք է առաջադրվել
Գիտենք՝ ինչ եղավ«Ելք»-ի հետ 2018 թ-ին․ հիշում ենք նաև բոլորի բոլոր ճանապարհները․ Արփի Դավոյանը՝ Անի Սամսոնյանին․ ՏԵՍԱՆՅՈՒԹ
Քաղաքականություն
29.05.2019 | 11:47
Ազգային ժողովն այսօր դեմ քվեարկեց «Գնումների մասին» ՀՀ օրենքում փոփոխություններ կատարելու մասին որոշման նախագծին, որով «Լուսավոր Հայաստան» խմբակցությունն առաջարկում էր թափանցիկ դարձնել ՀՀ նախագահի, վարչապետի, ԱԺ նախագահի համար իրականացվող գնումները։
Խորհրդարանական մեծամասնությունը դեմ քվեարկեց այս փոփոխությունների նախագիծն ԱԺ լիագումար նիստերի օրակարգ ընդգրկելու առաջարկին, իսկ «Իմ քայլի» պատգամավոր Արփի Դավոյանն անդրադարձավ Էդմոն Մարուքյանի այն դիտարկմանը, որ այս քայլով նրանք մանիպուլյացիաների դիմեցին, քանի որ այս փոփոխություններին նախկինում կողմ է եղել անգամ «Ելք» դաշինքը, խորհուրդ տվեց «Ելք» դաշինքի դիրքորոշումներն այլևս չմեջբերել։
ԱԺ «Լուսավոր Հայաստան» խմբակցության պատգամավոր Անի Սամսոնյանը «Իմ քայլի» պատգամավոր Արփի Դավոյանին կոչ արեց այլևս Էդմոն Մարուքյանին նման հորդորներով չդիմել. «Էդմոն Մարուքյանը եղել է «Ելք» դաշինքի առաջին համարը և կվկայակոչի այդ դաշինքի գործունեության վերաբերյալ փաստեր երբ կուզի և որքան կուզի»։
Ի պատասխան Արփի Դավոյանը նշեց․«Տիկին Սամսոնյան, մենք բոլորս էլ գիտենք՝ ով է այդ դաշինքի առաջին համարը և ինչ եղավ «Ելք» դաշինքի հետ 2018 թվականին, այնպես որ մի՛ հիշեցրեք, մենք հիշում ենք բոլորի բոլոր ճանապարհները»։
Մանրամասները՝ տեսանյութում։
