27.08.2026 | 23:19
Ծանրամարտի Հայաստանի պատանեկան հավաքականը երկրորդ տարին անընդմեջ լավագույնն է Եվրոպայի առաջնությունում
Factor.am-ի կողմից բարձրաձայնելուց ժամեր անց խնդիրը լուծում ստացավ. ԼՈՒՍԱՆԿԱՐՆԵՐ
Հասարակություն
28.05.2019 | 19:13
Factor.am-ը նախօրեին գրել էր, որ Վանաձորի Երևանյան խճուղում դիտահորերից մեկը բաց է և մի շարք խոչընդոտներ է առաջացնում երթևեկության համար: Հնարավոր վթարներից խուսափելու համար վարոդները դիտահորի մեջ ծառի ճյուղ էին տեղադրել:
Նյութի հրապարակվելուց մի քանի ժամ անց Վանաձորի քաղաքապետ Մամիկոն Ասլանյանը տեղեկացրեց, որ թեև դիտահորը չի գտնվում քաղաքապետարանի սպասարկման ոլորտում, սակայն հարցին փորձել են ժամանակավոր լուծում տալ:
«Այդ դիտահորը նախկին ժամանակներից մնացած теплотрасса-ից է, որը քաղաքապետարանի սպասարկման ցանցի մեջ չէ: Բայց քանի որ հիմա այլևս անպիտան է օգտագործման համար, փակել ենք մեր միջոցներով՝ հետագայում ավելի գլոբալ լուծում գտնելու ակնկալիքով»,- տեղեկացրեց քաղաքապետը:
Այժմ ծառի ճյուղը դիտահորից հանված է, դիտահորը՝ երկաթյա թիթեղով փակված:
Տաթևիկ Ղազարյան
