22.05.2026 | 11:10
Արթուր Ալեքսանյանի անվան մարզադպրոցի շինարարությունը նոր թափ է ստացել, ներգրավվել է նոր կապալառու․ ԼՈՒՍԱՆԿԱՐՆԵՐ
Ստանիսլավ Զասն այսօր կայցելի Հայաստան. ԱԳՆ խոսնակ
Քաղաքականություն
27.05.2019 | 17:36
Բելառուսի Անվտանգության խորհրդի պետքարտուղար, ՀԱՊԿ գլխավոր քարտուղարի թեկնածու Ստանիսլավ Զասն այսօր կայցելի Հայաստան: Այս մասին Factor.am-ի հետ զրույցում ասաց ՀՀ ԱԳՆ խոսնակ Աննա Նաղդալյանը։
«Բիշքեկում կայացած ԱԳ նախարարների խորհրդի նիստի ժամանակ ընդունված որոշման համաձայն՝ ՀԱՊԿ գլխավոր քարտուղարի պաշտոնում նշանակման համար Հավաքական անվտանգության խորհրդի դիտարկմանն է ներկայացվելու Բելառուսի ԱԽ պետքարտուղար Ստանիսլավ Զասի թեկնածությունը, ուստի այսօր նա Հայաստան է այցելելու»,- ասաց Աննա Նաղդալյանը:
ԱԳՆ խոսնակը, սակայն, չնշեց, թե կոկրետե ինչ հանդիպումներ է ունենալու Զասը Երևանում:
Հիշեցնենք, որ Ստանիսլավ Զասի թեկնածությունն առաջադրվել է ՀԱՊԿ գլխավոր քարտուղարի պաշտոնում: Նա պարտականությունների կատարումը կստանձնի 2020 թվականի հունվարի 1-ից։
