14.12.2024 | 17:18
Երևանի 4 վարչական շրջանում փոշու պարունակությունը գերազանցել է սահմանային թույլատրելի կոնցենտրացիան
Ինչպե՞ս է ստացվել, որ բռնության կոչեր հնչեցրած Ջիվան Աբրահամյանը մասնակցել է «Իմ քայլի» քարոզարշավին. պարզաբանում է Մխիթար Հայրապետյանը. ՏԵՍԱՆՅՈՒԹ
Տեսանյութեր
27.05.2019 | 15:53
ԱԺ «Իմ քայլի» պատգամավոր Մխիթար Հայրապետյանը լրագրողների հետ զրույցում վերահաստատեց տեղեկությունը, որ մայիսի 25-ին Ազատության հրապարակում անցկացված հանրահավաքի հետ «Քաղաքացիական պայմանագիր» կուսակցությունը կապ չունի:
Պատգամավորն ասաց, որ բոլորն էլ հավաքներ անցկացնելու իրավունք ունեն և կարող են խոսել՝ ինչից ցանկանան, բայց խնդիրն այն է, որ դա չպետք է լինի իրենց քաղաքական թիմի անունից։ Հայրապետյանի խոսքով՝ շաբաթ օրը բռնության կոչերով ուղեկցված հավաքն իրենց քաղաքական թիմի հետ որևէ առնչություն չունի։
Ինչ վերաբերում է նրան, թե ինչո՞ւ նախապես չեն հայտարարել, որ այդ հավաքն իրենց հետ կապ չունի, Հայրապետյանը պատասխանեց, որ, օրինակ, ինքը հավաքի մասին իմացել է միայն դրա անցկացումից հետո։
Դիտարկմանը, թե բռնության կոչեր հնչեցրած ցուցարարը դեկտեմբերին մասնակցել է «Իմ քայլը» դաշինքի քարոզարշավին, Մխիթարյանը պատասխանեց, որ, գուցե, այն ժամանակ կապ եղել է, բայց դա չի նշանակում, որ հիմա էլ կապ կա:
Մանրամասները՝ տեսանյութում:
Նարեկ Կիրակոսյան
