11.10.2026 | 15:59
Վթարային ջրանջատում Մալաթիա-Սեբաստիա և Էրեբունի վարչական շրջաններում
Պատկերացնո՞ւմ եք՝ ինչ կլիներ, եթե Հենոն Բաքվում գոլ խփեր և հայկական դրոշը բարձրացներ. Մխիթար Հայրապետյան. ՏԵՍԱՆՅՈՒԹ
Քաղաքականություն
27.05.2019 | 15:32
ՀՀ ԱԺ գիտության, կրթության, մշակույթի, սփյուռքի, երիտասարդության և սպորտի հարցերի մշտական հանձնաժողովի նախագահ Մխիթար Հայրապետյանն այսօր լրագրողների հետ զրույցում անդրադարձավ «Արսենալի» հայ ֆուտբոլիստ Հենրիխ Մխիթարյանի՝ Բաքու չմեկնելու որոշմանը։
Նա նշեց, որ լիովին սատարում է Մխիթարյանի որոշումը, քանի որ Ադրբեջանի խնդիրը միայն անցյալը չէ։ Պատգամավորն ասաց նաև, թե անհնար է պատկերացնել հետևանքները, եթե Հենրիխ Մխիթարյանը Բաքվում գոլ խփեր և բարձրացներ հայկական դրոշը:
Հայրապետյանի խոսքով՝ բրիտանական մամուլում արդեն հիշատակվել են Բաքվի ու Սումգայիթի ջարդերը, բայց ադրբեջանական կողմում խնդիրներ կան նաև հիմա, խոսքը, մասնավորապես այլատյացության, հայատյացության մասին է, քանի որ դեռ դպրոցական տարիներից Բաքվի իշխանություններն աշակերտներին սովորեցնում են ատել հայերին։
Ըստ պատգամավորի՝ հայկական կողմը չէ, որ հարցը քաղաքականացնում է, հարցը քաղաքականացվել է այն ժամանակ, երբ Մխիթարյանին երկընտրանքի առաջ են կանգնեցրել՝ սպորտ կամ անվտանգություն:
Մանրամասները՝ տեսանյութում:
Նարեկ Կիրակոսյան
