30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Հայտնի են Եվրախորհրդարանի ընտրությունների նախնական արդյունքները. բացարձակ մեծամասնություն չի ձևավորվել
Քաղաքականություն
27.05.2019 | 15:00
Եվրամիության երկրներում մայիսի 23-26-ը միասնական խորհրդարանի ընտրություններ են անցկացվել: Աջ և ձախ կենտրոնամետ դաշինքներըր նորից մեծամասնություն են ստացել, բայց բավականաչափ ձայներ չեն հավաքել՝ իշխող կոալիցիա կազմելու համար: Այս մասին գրում է Lenta-ն՝ վկայակոչելով Reuters-ը:
Աղբյուրի փոխանցմամբ՝ ընտրություններին մասնակցությունը շուրջ 50.5 տոկոս է կազմել: Սա զգալիորեն ավելին է, քան անցյալ ընտրություններին, երբ քվեարկությանը մասնակցել էր Եվրամիության քաղաքացիների շուրջ 43 տոկոսը:
Եվրոպական ժողովրդական կուսակցության քրիստոնեա-ժողովրդավարական բլոկը 23.8 տոկոս ձայն է ստացել, իսկ «Սոցիալիստների և դեմոկրատների պրոգրեսիվ ալյանսից» նրա դաշնակիցները՝ 20 տոկոսից մի քիչ պակաս: Սա այս ուժերին կապահովի 179 և 150 մանդատ, համապատասխանաբար, ինչը, սակայն, բավարար չէ բացարձակ մեծամասնության համար: Արդյունքում այս ուժերը դաշնակիցների կարիք կունենա՝ իշխող կոալիցիա ձևավորելու համար:
«Եվրոպա հանուն ազատության և ուղիղ ժողովրդավարության» և «Ազգերի և ազատությունների Եվրոպա» ալյանսները, ի տարբերություն նախորդ ընտրությունների, ավելի մեծ աջակցություն են ստացել և Եվրախորհրդարանում, համապատասխանաբար, 56 և 58 տեղ զբաղեցրել:
Այս անգամ շատ ձայն են հավաքել նաև ձախ «Կանաչները»՝ 70 տեղ. նախորդ խորհրդարանում նրանք ընդամենը 52 տեղ ունեին:
Եվրախորհրդարանի հաջորդ ընտրությունները տեղի կունենան 2024 թվականին:
