08.11.2026 | 21:21
Առատ ձյան պատճառով Գորայք-Մեղրի ճանապարհը փակ է կցորդիչով բեռնատարների համար
Թատերական ներկայացում, ֆիլմերի ցուցադրություն, դասախոսություն թանգարանում. ինչ միջոցառումներ են նախատեսված Հանրապետության տոնին
Մշակույթ
27.05.2019 | 14:21
ՀՀ մշակույթի նախարարությունը տեղեկացնում է, որ Հանրապետության տոնին նվիրված միջոցառումներ են կազմակերպվել
Ըստ այդմ՝
◆ Ս. թ. մայիսի 28-ին` ժամը 19:00-ին, Գորիսի Վ. Վաղարշյանի անվան պետական դրամատիկական թատրոնում տեղի կունենա Հ. Թումանյանի ստեղծագործությունների հիման վրա ստեղծված «Էս էն գյուղն է» ներկայացումը: Բեմադրությունը և երաժշտական ձևավորումը` Ասյա Սիրեկանյանի, բեմանկարչությունը և զգեստների ձևավորումը` ժաննա Հովհաննիսյանի, դերերում՝ Միքայել Մաշուրյան, Էրիկ Գրիգորյան, Սերժիկ Սայունց, Թեհմինա Աբրահամյան, Լյուդմիլա Պետրոսյան և այլք:
◆ Ս. թ. մայիսի 28-ին` ժամը 15:00-17:00-ն, Երվանդ Քոչարի թանգարանում` Հայաստանի Առաջին Հանրապետության օրվա կապակցությամբ կանցկացվեն դասախոսություններ հետևյալ թեմաներով՝ 1. «Ե. Քոչարի «Սասունցի Դավիթ» արձանի ստեղծագործական պատմությունը և արձանը՝ որպես հայ ժողովրդի հավաքական կերպար, հայության լավագույն ցանկությունների ու երազանքների խորհրդանիշ»,
2. «Ե. Քոչարի ստեղծագործություններից «Զվարթնոցի արծիվ» ուղենիշ-կոթողը` որպես Ազգային պետականությունը խորհրդանշող հուշարձան»:
◆ Ս. թ. մայիսի 29-ին` ժամը 19:00-ին, Հայաստանի կինեմատոգրաֆիստների միության կինոյի տան փոքր կինոսրահում տեղի կունենա «Դրո» վավերագրական ֆիլմի ցուցադրությունը /ռեժիսոր` Վ. Կևորկով/:
◆ Ս. թ. մայիսի 29-ին` ժամը 19:00-ին, Ապարանի քաղաքային մշակույթի տանը կցուցադրվի «Թևանիկ» ֆիլմը /ռեժիսոր՝ Ջ. Ավետիսյան/:
◆ Ս. թ. մայիսի 29-ին` ժամը 19:00-ին, Իջևանի մշակույթի տանը կցուցադրվի «Եթե բոլորը» ֆիլմը /ռեժիսոր` Ն. Բելյաուսկենե/:
