15.01.2026 | 23:35
Ավարտվել է ՀՀ շախմատի առաջնությունների 3-րդ խաղափուլը․ Զավեն Անդրիասյանը միանձնյա առաջատար է
Ես կարող եմ նույն ոճով պատասխանել. Հայրապետյանը՝ Ազարյանի՝ «երեկվա երեխաները» արտահայտության մասին. ՏԵՍԱՆՅՈՒԹ
27.05.2019 | 13:10
ԱԺ գիտության, կրթության, մշակույթի, սպորտի և սփյուռքի հանձնաժողովի արտահերթ նիստի ժամանակ հանձնաժողովի նախագահ Մխիթար Հայրապետյանը հայտարարեց, որ քաղաքակիրթ աշխարհում գրագողության բացահայտման պարագայում անգամ ամենաբարձրաստիճան պաշտոնյաները հրաժարականի դիմում են ներկայացնում։
«Մենք գտնում ենք, որ Հայաստանը պետք է դրա մասը դառնա»,- ասաց Հայրապետյանը։ Հիշեցնենք, որ այս հանձնաժողովի արտահերթ նիստում քննարկվում են գիտական աշխատանքների արտադրության դեպքերը: Առանցքում Քոչարյանի գործից հայտնի դատավոր Ալեքսանդր Ազարյանի գիտական աշխատանք է։
«Ես իմ խոսքում չեմ կարող շրջանցել պարոն Ազարյանի թեման, որովհետև վերջին մեկ շաբաթվա ընթացքում տեղի են ունեցել որոշակի իրադարձություններ, որոնք ինձ հնարավորություն չեն տալիս չխոսելու այդ մասին։ Նախ՝ մեկ շաբաթ առաջ պարոն Ազարյանը հանդես եկավ հայտարարությամբ՝ նշելով, որ հրաժարականի դիմում կներկայացնի երկու դեպքում։ Առաջինը վերաբերում էր նրան, եթե վարչապետը հրաժարական ներկայացնի։ Համացանցում սկսեցին շատ խոսել դատավորի էթիկայի մասին, և չէր հասցրել շատ ժամանակ անցել, երբ news.am-ին տված հերթական հարցազրույցում պարոն Ազարյանը նշեց՝ «ԱԺ-ում երեկվա երեխաները պետք է քննեն իմ հարցը»՝ հավանաբար նկատի ունենալով մեր հանձնաժողովի պատգամավորներին և ինձ»,- նշեց Մխիթար Հայրապետյանը:
Նա, միաժամանակ, շեշտեց, որ դատավորը կարող է չկասկածել՝ ինքը կարող էր առնվազն նույն ոճով պատասխանել, բայց զերծ կմնա այդ դաշտ տեղափոխվելուց։ Մխիթար Հայրապետյանի համոզմամբ՝ նման հայտարարություններն անարգանք են ոչ թե առանձին պատգամավորների, այլ խորհրդարանի նկատմամբ:
Մանրամասները՝ տեսանյութում։
Նարեկ Կիրակոսյան
