02.09.2026 | 23:08
31 տեսախցիկ, 48 նոր ավտոմեքենա և ուսումնաարտադրական կենտրոններ․ Սրբուհի Գալյանը ներկայացրել է բարեփոխումները
Երևանից Սյունիք՝ օդանավով. շինաշխատանքների 60%-ն արվել է
Տնտեսություն
27.05.2019 | 12:55
Դեռևս խորհրդային տարիներին Կապանի օդանավակայանը դեպի Երևան օրական 10-12 կանոնավոր չվերթ էր իրականացնում, Երևանում ֆուտբոլային օրերին այդ թիվը հասնում էր անգամ 16-ի:
Կապանի օդանավակայանի վերագործարկման նպատակով 2017 թվականին Սյունիքի զարգացման և ներդրման հիմնադրամը հիմնել է «Սյունիքի օդանավակայան» ՍՊԸ-ն, որի մասնակիցներն են «Զանգեզուրի» պղնձամոլիբդենային կոմբինատն ու Սյունիքի զարգացման և ներդրման հիմնադրամը:
2017 թվականի սեպտեմբերին Կապանի համայնքապետարանի ու Սյունիքի զարգացման և ներդրման հիմնադրամի միջև կոնցեսիոն կառավարման պայմանագիր է կնքվել, որով նախատեսվում էր վերանորոգել և վերագործարկել օդանավակայանը։ Սյունիքի օդանավակայանի ուղևորային համալիրի մակերեսը. նախկին 160 ք.մ.-ի փոխարեն. կլինի 900 ք.մ.՝ 100 մարդ/ժամում հնարավորությամբ:
Սյունիքի մարզպետի խորհրդական Գոռ Թադևոսյանը «Իմ քայլը հանուն Սյունիքի մարզի» բիզնես-համաժողովում տեղեկացրեց, որ համալիրի շինաշխատանքները գրեթե 60 տոկոսով արվել են:
«Արդյունքում մենք ունենալու ենք միջազգային ստանդարտներին համապատասխան, հիմնանորոգված թռիչքուղիով օդանավակայան, որը հնարավորություն կընձեռի ավելի ծանր օդանավեր ընդունել։ Թռիչքուղու ծածկն ամբողջությամբ փոխվում է: Կապանի օդանավակայանը ԽՍՀՄ-ի տարածքում եղել է վայրէջքների ու թռիչքների համար ամենաբարդերից մեկը: Այդ պատճառով ներդրվելու է թռիչքատեղեկատվական նոր համակարգեր։ Ընդհանուր առմամբ, նախատեսվում է 2.3 միլիարդ դրամի ներդրում, որից 800 միլիոնն արդեն արվել է: Երևան-Կապան-Երևան չվերթները կիրականացնի 19 տեղանոց L-410 օդանավը, որն արդեն Հայաստանում է»,- ներկայացրեց Սյունիքի մարզպետի խորհրդական Գոռ Թադևոսյանը:
Հիշեցնենք, որ Կապանում առաջին վայրէջքը կատարել է «ՅԱԿ-40» օդանավը՝ 1972 թվականի օգոստոսի 18-ին:
Ռոբերտ Անանյան
