19.10.2026 | 12:50
«Բարսելոնան» կրկնել է «Ռեալի» ռեկորդը. ՏԵՍԱՆՅՈՒԹ
Խենթության և իրատեսության միջև մեծ բանավեճ կա Հայաստանում․ Նիկոլ Փաշինյան. ՏԵՍԱՆՅՈՒԹ
Քաղաքականություն
27.05.2019 | 11:48
«Այն, ինչ տեղի է ունենում Հայաստանում, մեծ բանավեճ է խենթության՝ բառիս լավ իմաստով, որը կարելի է անվանել ռոմանտիզմ, և իրատեսության միջև։ Մեր քաղաքական խնդիրն է Հայաստանը դարձնել մի այնպիսի երկիր, որտեղ խենթ գաղափարները իրագործվում են, որտեղ մարդիկ հավատում են իրենց ուժերին, որ այդ գաղափարները կարելի է իրագործել ՀՀ-ում։ Սա ընդամենը հայտարարություն չէ, որովհետև այն, ինչ տեղի է ունեցել մեկ տարի առաջ Հայաստանում և այն, ինչ շարունակում է տեղի ունենալ, այս գաղափարի իրագործումն է»,- «Իմ քայլը հանուն Սյունիքի մարզի» բիզնես-համաժողովում հայտարարեց ՀՀ վարչապետ Նիկոլ Փաշինյանը։
Նրա խոսքով՝ Հայաստանի տնտեսական զարգացումը պետք է հենված լինի անհատական ջանքի վրա։ Վարչապետը հիշատակեց «Տաթևեր» ճոպանուղին, որն իրագործել են մի խումբ մարդիկ, և դժվար է ասել՝ ի սկզբանե քանի մարդ էր հավատում այդ գաղափարին․ «Մեր մեծագույն խնդիրը Հայաստանում հնարավորինս մեծաթիվ մարդկանց մտածելու, երազելու և այդ երազանքը իրագործելու համարձակությամբ օժտելն է, և այս մարզային ֆորումները հենց այդ նպատակին են ծառայում»,- ասաց վարչապետը։
Մանրամասները՝ տեսանյութում:
Ռոբերտ Անանյան
