25.04.2025 | 19:18
Եվրոպայի առաջնության մեդալակիր ծանրորդները պարգևատրվել են
Դատավոր Ալեքսանդր Ազարյանի գիտական ատենախոսության «copy paste»-ի օրակարգով ԱԺ հանձնաժողովն արտահերթ նիստ կգումարի
24.05.2019 | 18:45
ԱԺ գիտության, կրթության, մշակույթի, սփյուռքի հարցերի հանձնաժողովը երկուշաբթի արտահերթ նիստ է հրավիրելու: Օրակարգում լինելու է ՀՀ երկրորդ նախագահ Ռոբերտ Քոչարյանի գործից հայտնի դատավոր Ալեքսանդր Ազարյանի գիտական ատենախոսության՝ արտագրված լինելու մասին ԲՈԿ-ի հայտարարությունը:
Տեղեկությունը Factor.am-ի հետ զրույցում հաստատեց ԱԺ գիտության, կրթության, մշակույթի, սփյուռքի հարցերի մշտական հանձնաժողովի նախագահ Մխիթար Հայրապետյանը:
«ԲՈԿ-ի ղեկավարը հաստատել է շրջանառվող տեղեկությունը, որ Ազարյանի ատենախոսության շուրջ 25 էջ ուղղակիորեն արտատպվել է: Մենք կցանկանայինք, որ պարոն Գոգյանը մեր հանձնաժողովին ներկայացներ մանրամասները»,- ասաց նա:
Մխիթար Հայրապետյանի խոսքով՝ տեղեկություններ կան, որ դատավոր Ազարյանի գիտական աշխատանքից մեկ այլ դատավոր է օգտվել՝ իր ատենախոսությունը գրելիս. «Սա պետք է լինի մեր հանձնաժողովի ուշադրության կենտրոնում: Քաղաքակիրթ հասարակությունում պաշտոնյաները և դատավորները, երբ նման սկանդալի կենտրոնում են հայտնվում, պարզապես պաշտոնաթող են լինում: Կարծում եմ, որ Հայաստանն էլ պետք է գնա այդ ճանապարհով»:
Մխիթար Հայրապետյանը մեկ այլ կարևոր հարց է բարձրաձայնում. մշտական հանձնաժողովի նախագահը նշում է՝ չի պատկերացնում, թե գրագողություն կատարած դատավորն ի՞նչ վիճռ է կայացնելու, եթե նման գործ քննելիս լինի:
«Հանձնաժողովի նիստում քննարկվելու է, թե ինչ օրենդրական նախաձեռնություններ են պետք, որոնք կբացառեն գրագողությունը»,- ասաց Հայրապետյանը:
Ի դեպ, հիշեցնենք, որ այս դատավորը մի քանի օր առաջ հետաքրքիր գրառում էր կատարել: Իր երազն էր պատմել. «Երազ եմ տեսել իբր վարչապետի հանձնարարությամբ ԱԱԾ-յան կողմից ես և իմ հարազատները վերցվել ենք տոտալ հսկողության: Եթե չհասնեն արդյունքի, դիմելու են սադրանքների, հատկապես՝ որդուս նկատմամբ: Ես երազում զգուշացրեցի նրանց, որ դա հղի է շատ ծանր հետևանքներով: Մեկ էլ երազում տեսա, որ այսօր որոշ դատավորների բնակարաններում կատարվելու են խուզարկություններ»:
Նարեկ Կիրակոսյան
