16.11.2024 | 22:58
«Մանկական Եվրատեսիլ – 2024»-ում հաղթեց Վրաստանը
Ինչո՞ւ Հրայր Թովմասյանի՝ Արցախ մեկնելու մասին լուրը ՍԴ կայքում չկա
24.05.2019 | 16:05
Դեռևս հայտնի չէ, թե արդյոք Սահմանադրական դատարանի նախագահ Հրայր Թովմասյանը կմիանա ԲԴԽ Գագիկ Հարությունյանին և կներկայացնի հրաժարականի դիմում, թե՝ ոչ։
Ուշագրավ է, որ երբ ՀՀ-ում դատական համակարգի ճակատագիրն է քննարկվում, ՀՀ ՍԴ նախագահը մեկնել է Արցախ։ Ի դեպ, այցի մասին ՍԴ պաշտոնական կայքէջում որևէ տեղեկություն, այս պահի դրությամբ, չկա։ Միայն ՍԴ աշխատակազմի ղեկավար Էդգար Ղազարյանն է Ֆեյսբուքյան իր էջում տեղադրել հետևյալ գրառումը․ «ՀՀ սահմանադրական դատարանի նախագահ Հրայր Թովմասյանի գլխավորած պատվիրակության կազմում հանդիպումը Արցախի Հանրապետության նախագահ Բակո Սահակյանի հետ»։
Կից լուսանկարի հղմամբ էլ տեղադրել է Արցախի նախագահականի տարածած հաղորդագրությունը։
Փորձեցինք կապ հաստատել Հրայր Թովմասյանի հետ՝ պարզելու համար, թե որոնք են Արցախ մեկնելու պատճառները, արդյոք այնտեղ կուլիսային քննարկումնե՞ր են ընթանում, թե՝ ոչ և ինչ դիրքորոշում ունի նա իր հետագա պաշտոնավարման վերաբերյալ։ Թովմասյանի հետ, սակայն, կապ հաստատելու մեր փորձերն ապարդյուն անցան։
