28.09.2026 | 02:28
«Արդարացում չունեցող կոպիտ սխալ». Թաթա Սիմոնյանը ներողություն է խնդրել սեպտեմբերի 27-ին իր համերգի ցուցադրության համար
Թուրքիայում տեղի է ունենում «Էրջիյես-2019» զորավարժությունը
Քաղաքականություն
23.05.2019 | 22:04
Մայիսի 22-ի լույս 23-ի գիշերը Թուրքիայի Կայսերի (Կեսարիա) նահանգում սկսվել է «Էրջիյես-2019» դեսանտային զորավարժությունը: Այս մասին գրում է ermenihaber.am-ը:
Զորավարժությունն անցկացվում է նույն նահանգում տեղակայված Թուրքիայի ԶՈւ ցամաքային զորքերի կոմանդոսների 1-ին բրիգադի համակարգմամբ: Հաղորդվում է, որ զորավարժությանը մասնակցում են ստորաբաժանումներ Ադրբեջանից, Վրաստանից, Պակիստանից, ԱՄՆ-ից, Իտալիայից, Ռումինիայից ու Կատարից:
Ընդհանուր առմամբ զորավարժությանը մասնակցում են 895 զինվորականներ, որոնցից 99-ը՝ այլ երկրներից: Զորավարժության ժամանակ օգտագործվել է 67 զինվորական մեքենա, տարբեր տրամաչափերի ու տեսակների 354 զենք, 7 փոխադրող ինքնաթիռ, 2 հարձակողական ուղղաթիռ, 6 բազմանպատակ ուղղաթիռ և 2 բեռնափոխադրող ուղղաթիռ:
