18.09.2026 | 07:58
Փաշինյանն աշխատանքային այցով մեկնել է Գերմանիա․ նրան կշնորհվի Հեսսեյան Խաղաղության մրցանակը
Ճանապարհատրանսպորտային պատահար Ասկերան-Ստեփանակերտ ավտոճանապարհին. կա 2 զոհ
23.05.2019 | 21:45
Այսօր ժամը 14-58-ին ԱՀ արտակարգ իրավիճակների պետական ծառայության ճգնաժամային կառավարման կենտրոնում ահազանգ է ստացվել, որ Ասկերան-Ստեփանակերտ ճանապարհի 12-րդ կմ-ին տեղի է ունեցել ճանապարհատրանսպորտային պատահար, կան տուժածներ, անհրաժեշտ է փրկարարների օգնությունը:
Ահազանգով դեպքի վայր է մեկնել արտակարգ իրավիճակների պետական ծառայության արագ արձագանքման հատուկ ստորաբաժանման օպերատիվ հերթապահ խումբը: Տեղում պարզվել է, որ Հ. Լ.-ին պատկանող «Lexus 470» մակնիշի ավտոմեքենան կորցնելով ղեկի կառավարումը, վրաերթի է ենթարկել քաղաքացի Գ. Ս.-ին (ծնվ. 1990թ.) և մի քանի անգամ կողաշրջվելով` հայտնվել ճանապարհամերձ գոտում:
Ճանապարհատրանսպորտային պատահարի հետևանքով վրաերթի ենթարկված քաղաքացին տեղում մահացել է, իսկ ավտոմեքենայի մեջ գտնվող վարորդը և 3 ուղևորները տարբեր աստիճանի մարմնական վնասվածքներով տեղափոխվել են Ստեփանակերտի «Հանրապետական բժշկական կենտրոն» ՓԲԸ, որտեղ տուժածներից մեկը՝ Է. Ա.-ն (ծնվ. 1990թ.) մահացել է:
Ըստ բժիշկների` տուժածներից 2-ի վիճակը գնահատվում է ծանր:
