07.03.2026 | 19:37
Ինչ իրավիճակ է ճանապարհներին
ՀՅԴ-ն հանրահավաքում անակնկալներ չի խոստանում. Արթուր Խաչատրյան. ՏԵՍԱՆՅՈՒԹ
Քաղաքականություն
23.05.2019 | 19:42
Որևէ անակնկալ չենք խոստանում, ո՛չ առաջին նախագահին ենք հրավիրել, ո՛չ երկրորդ, ո՛չ երրորդ: Ազատության հրապարակում ՀՅԴ-ի հանրահավաքի ընթացքում Factor.am-ի հետ զրույցում նշեց ՀՅԴ Հայաստանի Գերագույն մարմնի անդամ Արթուր Խաչատրյանը:
ՀՀ երկրորդ նախագահ Ռոբերտ Քոչարյանի կողմից աջակցության մասին հարցին ի պատասխան՝ Արթուր Խաչատրյանը նշեց. «Չգիտեմ՝ ով է դա շրջանառել, բայց նման բան չկա, հեքիաթներ են»:
Դիտարկմանը, թե կարծիքներ են հնչում, որ ՀՅԴ-ն այս հանրահավաքով արդեն ընտրությունների է նախապատրաստվում, Արթուր Խաչատրյանը պատասխանեց, որ այսօրվա հանրահավաքը ՀՅԴ-ի՝ ընդդիմադիր լինելու նախաձեռնության դրսևորումներից է:
«Կարծում եմ՝ ընտրություններին դեռ շուտ է պատրաստվել, բայց մենք հավատում ենք մասնակցային ժողովրդավարությանը և ընտրությունների միջոցով ժողովրդավարական իշխանությունների ձևավորությանը»,- հավելեց նա:
Արթուր Խաչատրյանը, միաժամանակ, բացառեց առաջիկայում փողոցային պայքարի դուրս գալը. «Փողոց չենք փակի։ Դատարանների դռները ևս չենք փակի, որ դատավորներին չթողնենք չորս ժամ աշխատանքի գնալ»:
Մանրամասները՝ տեսանյութում:
