12.01.2025 | 00:54
Կիևյան փողոցի տներից մեկում հրդեհ է բռնկվել. դեպքի վայր է մեկնել չորս մարտական հաշվարկ
Եթե ցույց կտաք մեկ պաստառ, որ ես հակապուտինյան ակցիա եմ արել, կխոսենք. Արմեն Գրիգորյան. ՏԵՍԱՆՅՈՒԹ
Քաղաքականություն
23.05.2019 | 14:12
Ռուսաստանի հետ ակտիվ աշխատում ենք, ես իմ գործընկերոջ հետ ակտիվ կապերի մեջ եմ, որևէ խնդիր չկա։ Այս մասին այսօր՝ մայիսի 23-ին լրագրողների հետ զրույցում ասաց Անվտանգության խորհրդի քարտուղար Արմեն Գրիգորյանը՝ պատասխանելով հարցին՝ արդյո՞ք Ռուսաստանում իրեն համարում են արևմտամետ գործիչ և չեն ընդունում, քանի որ տարիներ առաջ մասնակցել է հակառուսական ակցիաների։
«Այդ հարցը, կարծում եմ, մոտ մեկ տարվա հնության հարց է, հայ-ռուսական հարաբերություններում ես որևէ խնդիր չեմ տեսնում: Իմ մակարդակով մենք ակտիվ աշխատում ենք, ես իմ գործընկերոջ հետ ակտիվ կապերի մեջ եմ, ունեցել ենք արդեն 3 հանդիպում, շուտով՝ հունիսի 18-ին, կհանդիպենք Ռուսաստանում, նաև, երևի, Պատրուշևի այց կլինի Հայաստան: Այդ հարցը բանակցությունների մեջ է, հետագայում կհստակեցնենք»,- նշեց նա։
Լրագրողի հարցին՝ նախկինում խնդիր եղե՞լ է Ռուսաստանի հետ, քանի որ ինքը հակապուտինյան ակցիաներ է արել, պաստառներ է պահել, ԱԽ քարտուղարը հակադարձեց. «Դուք սուտ եք ասում։ Սա շահարկվում է, բազմիցս սրան հստակ պատասխան տրվել է։ Եթե կբերեք և ցույց կտաք, որ ես հակապուտինյան ակցիաներ եմ արել, կշարունակենք խոսակցությունը»:
Մանրամասները՝ տեսանյութում:
Նարեկ Կիրակոսյան
