15.01.2026 | 23:35
Ավարտվել է ՀՀ շախմատի առաջնությունների 3-րդ խաղափուլը․ Զավեն Անդրիասյանը միանձնյա առաջատար է
Կառավարությունն իր պահուստային ֆոնդից Գյուղնախարարությանը հատկացրեց 377,26 մլն դրամ
Տնտեսություն
23.05.2019 | 12:11
Կառավարությունը գյուղատնտեսության նախարարությանը հատկացրեց 377,26 մլն դրամ:
Գումարը հատկացվեց Կառավարության պահուստային ֆոնդից՝ «ՀՀ-ում 2019-2024 թվականների տավարաբուծության զարգացման», «Ոռոգման արդիական համակարգերի ներդրման համաֆինանսավորման», «ՀՀ-ում խաղողի, ժամանակակից տեխնոլոգիաներով մշակվող ինտենսիվ պտղատու այգիների հատապտղանոցների հիմնման համար պետական աջակցության» ծրագրերի իրականացման նպատակով:
Ըստ որոշման հիմնավորման՝ 2019 թվականի ընթացքում ՀՀ գյուղատնտեսության նախարարության կողմից վերամշակվել և կառավարության հաստատմանն են ներկայացվել «Գյուղատնտեսության ոլորտին տրամադրվող վարկերի տոկոսադրույքների սուբսիդավորման», «Ոռոգման արդիական համակարգերի ներդրման համաֆինանսավորման», «Հայաստանի Հանրապետությունում 2019-2024 թվականների տավարաբուծության զարգացման», «Հայաստանի Հանրապետությունում խաղողի, ժամանակակից տեխնոլոգիաներով մշակվող ինտենսիվ պտղատու այգիների և հատապտղանոցների հիմնման համար պետական աջակցության», «Հայաստանի Հանրապետության գյուղատնտեսությունում կարկտապաշտպան ցանցերի ներդրման համար տրամադրվող վարկերի տոկոսավճարների սուբսիդավորում» ծրագրերը:
