02.07.2026 | 11:43
Նիկոլ Փաշինյանի և Ուրսուլա ֆոն դեր Լայենի համատեղ ասուլիսը՝ ՈՒՂԻՂ
11,5 մլն դրամ՝ Կառավարական տուն 1 շենքի՝ քաղաքացիների ընդունելությունների տարածքի նորոգման ու կահավորման համար
23.05.2019 | 12:09
Կառավարությունը պահուստային ֆոնդից վարչապետի աշխատակազմին 11,5 մլն դրամ հատկացրեց Կառավարական տուն 1 շենքի՝ քաղաքացիների ընդունելությունների տարածքի նորոգման ու կահավորման համար:
Ըստ նախագծի հիմնավորման՝ քաղաքացիների ընդունելությունների տարածքը համարելով Կառավարության հետ շփման առաջին կարևոր կետ՝ ՄԱԶԾ «Կատալիտիկ բաց կառավարման գործընկերություն» ծրագիրը ՀՀ վարչապետի աշխատակազմի հետ համատեղ նախաձեռնել է ՀՀ Կառավարության առաջին մասնաշենքի քաղաքացիների ընդունելությունների տարածքի բարելավման և կահավորման նախագիծը՝ ստեղծելով հարմար միջավայր Կառավարություն-քաղաքացի փոխգործակցությունն ապահովելու համար։
Ծրագրի նպատակն է խթանել կառավարություն-քաղաքացի փոխգործակցության ձևավորմանը և զարգացմանը: ՄԱԶԾ կողմից ծրագրի իրականացմանը ցուցաբերվելու է ֆինանսական մասնակցություն 10000 ԱՄՆ դոլարին համարժեք դրամի չափով:
Վարչապետի աշխատակազի կողմից իրականացվող «Աջակցություն քաղաքական կուսակցություններին, հասարակական կազմակերպություններին և արհմիություններին» միջոցառման իրականացումը հետաձգվում է մեկ տարով և ՀՀ 2019 թվականի պետական բյուջեով հատկացված միջոցներից 11,5 մլն դրամն ուղղվում է «Կառավարություն-քաղաքացի փոխգործակցության ապահովմանն ուղղված ծրագիր» միջոցառման իրականացմանը։
