18.09.2026 | 07:58
Փաշինյանն աշխատանքային այցով մեկնել է Գերմանիա․ նրան կշնորհվի Հեսսեյան Խաղաղության մրցանակը
Ռոբերտ Քոչարյանը չի մասնակցի Դաշնակցության վաղվա հանրահավաքին
Քաղաքականություն
22.05.2019 | 22:17
Հայ հեղափոխական դաշնակցությունը վաղը՝ մայիսի 23-ին, Ազատության հրապարակում հանրահավաք կանցկացնի:
Factor.am-ին որոշ մանրամասներ են հայտնի դարձել հանրահավաքի կազմակերպչական աշխատանքներից:
Մասնավորապես, տեղեկացանք, որ Դաշնակցությունը մոբիլիզացրել է իր բոլոր հնարավորությունները, որ վաղը հնարավորինս շատ մարդ հավաքվի Ազատության հրապարակում: Այս նպատակին ակտիվորեն լծվել են կուսակցության բոլոր մարզային կառույցները, իսկ այսօր էլ երեկոյան կայացած ՀՅԴ ԳՄ նիստում ամենայն մանրամասնությամբ քննարկվել է, թե որ մարզից որքան մասնակից հնարավոր կլինի ապահովել:
Մեղ տեղեկություններով՝ վաղը նախատեսված հանրահավաքին մասնակցելու են նաև 2-րդ նախագահ Ռոբերտ Քոչարյանի աջակիցների դաշինքի անդամները: Անձամբ Ռոբերտ Քոչարյանը, ըստ մեր տեղեկությունների, վաղվա հանրահավաքին չի մասնակցի:
2-րդ նախագահի և նրա աջակիցների մասնակցության վերաբերյալ մեր տեղեկությունները փորձեցինք ճշտել Ռոբերտ Քոչարյանի գրասենյակի ղեկավար Վիկտոր Սողոմոնյանից, սակայն ողջ օրվա ընթացքում մեր զանգերն այդպես էլ մնացին անպատասխան:
Աղավնի Սուքիասյան
