28.09.2026 | 02:28
«Արդարացում չունեցող կոպիտ սխալ». Թաթա Սիմոնյանը ներողություն է խնդրել սեպտեմբերի 27-ին իր համերգի ցուցադրության համար
ՀԱՊԿ անդամ պետությունների ԱԳ նախարարների խորհրդի նիստը Բիշքեկում մեկնարկել է
Քաղաքականություն
22.05.2019 | 15:52
Ղրղզստանի մայրաքաղաք Բիշքեկում մեկնարկել է Հավաքական անվտանգության պայմանագրի կազմակերպության (ՀԱՊԿ) անդամ պետությունների ԱԳ նախարարների խորհրդի նիստը: Այս մասին տեղեկացնում է ՌԻԱ Նովոստին:
Նշենք, որ նիստին մասնակցելու նպատակով Ղրղզստանում է նաև Հայաստանի պատվիրակությունը՝ ԱԳ նախարար Զոհրաբ Մնացականյանի գլխավորությամբ:
Հանդիպման առաջնային հարցերից մեկն անվտանգության թեման է: ԱԳ նախարարները քննարկելու են անդրսահմանային մարտահրավերների և սպառնալիքների դեմ պայքարի հարցեր, առաջին հերթին՝ ահաբեկչական կազմակերպությունների կողմից:
Նախարարները նիստը կանցկացնեն նեղ և ընդլայնված ձևաչափերով, իսկ ավարտին ի շարք փաստաթղթեր կստորագրվեն:
Նախատեսվում է, որ ԱԳ նախարարների խորհրդի նիստում կքննարկվի նաև ՀԱՊԿ նոր գլխավոր քարտուղարի նշանակման հարցը: Այս պաշտոնի միակ թեկնածուն Բելառուսի ներկայացուցիչ Ալեքսանդր Զասն է:
Նշենք, որ ՀԱՊԿ անդամ պետություններն են Հայաստանը, Բելառուսը, Ղազախստանը, Ղրղզստանը, Ռուսաստանն ու Տաջիկստանը: 2019 թվականին կազմակերպությունում նախագահում է Ղրղզստանը:
