21.06.2026 | 02:11
ԱԱ-2026. Գերմանիան կամային հաղթանակի հասավ վերջնամասում. ՏԵՍԱՆՅՈՒԹ
Ազգային ժողովի խորհուրդը արտահերթ նիստ է հրավիրում
Քաղաքականություն
22.05.2019 | 14:41
Ազգային ժողովն այսօր խորհրդի արտահերթ նիստ է գումարելու: Օրակարգում ընդդիմադիր «Լուսավոր Հայաստան» խմբակցության Ազգային ժողովի արտահերթ նիստ հրավիրելու հարցն է: Տեղեկությունը Factor.am-ի հետ զրույցում փոխանցեց Ազգային ժողովի պատգամավոր, ԼՀԿ խմբակցության անդամ Անի Սամսոնյանը:
Factor.am-ի հարցին ի պատասխան, Անի Սամսոնյանն ասաց, որ արտահերթ նիստ հրավիրելու համար անհրաժեշտ 33 ստորագրություններից ավելի՝ 36 պատգամավորի ստորագրություն կա: ԼՀԿ-ի՝ արտահերթ նիստ հրավիրելու նախաձեռնությանը միացել է խորհրդարանական մյուս ընդդիմադիր խմբակցությունը՝ ԲՀԿ-ն:
Հիշեցնենք, որ «Լուսավոր Հայաստանի» նախաձեռնությամբ առաջարկվում է արտահերթ նիստին քննարկել վարչապետ Նիկոլ Փաշինյանի տարածած հայտարարության հիման վրա քաղաքացիների կողմից դատարանների շենքերի շրջափակման հետևանքով Հայաստանի Հանրապետությունում ստեղծված իրադրությունը և դատաիրավական համակարգի բարեփոխումների իրականացման հնարավորության ու հեռանկարի վերաբերյալ վարչապետի հայտարարությունը։
«Իմ քայլը» խմբակցության ղեկավար Լիլիթ Մակունցը մեզ հետ զրույցում, սակայն, նշել էր, որ գործընկեր խմբակցության ձևակերպումը իրենք չեն կիսում: Մեր հստակեցնող հարցին էլ, եթե անհրաժեշտ թվով ստորագրությունները հավաքվեն, նիստը հրավիրվի, իշխանությունը քվորում կապահովի՞, Մակունցն ասել էր, որ այդ պարագայում իրենք կառաջնորդվենք օրենքով:
Նարեկ Կիրակոսյան
