08.11.2026 | 21:21
Առատ ձյան պատճառով Գորայք-Մեղրի ճանապարհը փակ է կցորդիչով բեռնատարների համար
«Սուրբ» բառն ավելացավ միայն Գրիգոր Լուսավորիչ փողոցի անվանումում. մյուս երկու փողոցները չանվանափոխվեցին
22.05.2019 | 13:01
Երևանի ավագանիում այսօր կայացավ հերթական նիստը: Օրակարգում ընդգրկված 14 հարցից 3-ը վերաբերվում են մայրաքաղաքի փողոցների անվանումներում «սուրբ» բառի ավելացմանը:
Այս նախագծի հեղինակը, հիշեցնենք, ավագանու «Լույս» խմբակցության անդամ Թեհմինա Վարդանյանն է: Նախագծով առաջարկվում է Կենտրոն վարչական շրջանի Մովսես Խորենացի, Գրիգոր Լուսավորիչ և Մաշտոց պողոտաների անվանումներում ավելացնել «սուրբ» բառը:
Ավագանու «Իմ քայլը» խմբակցության անդամներից մեկը հետաքրքրվեց՝ արդյոք այդ փոփոխությունը հավելյալ ծախս կամ դժվարություն չի՞ առաջացնի, Թեհմինա Վարդանյանը պատասխանեց, որ եթե հավելյալ ծախս պահանջվի, ինքը պատրաստ է դիմել եկեղեցուն օժանդակության համար: Դժվարությունների մասին էլ ասաց, որ եթե հասցեներում փոփոխության խնդիր առաջանա՝ քաղաքապետարանը քաղաքացիներին կտրամադրի տեղեկանք:
Ավագանու անդամների քվեարկության արդյունքում փողոցներն անվանափոխելու երկու հարցը մերժվեց: Ընդունվեց միայն մեկը` ըստ այդմ Գրիգոր Լուսավորիչ փողոցը կանվանակոչվի` Սուրբ Գրիգոր Լուսավորիչ:
Լիլիթ Շաբոյան
