26.11.2024 | 10:02
Դոլարն ու եվրոն արժևորվել են, ռուբլին՝ արժեզրկվել․ արտարժույթների փոխարժեքները՝ նոյեմբերի 26-ի դրությամբ
Խոշոր արտադրողին ասում ենք՝ «փակվեք հլը, շուտ». Գագիկ Ծառուկյանի թիմակիցը՝ ցեմենտի տուրքի մասին. ՏԵՍԱՆՅՈՒԹ
Քաղաքականություն
22.05.2019 | 10:55
Ազգային ժողովի տնտեսական հարցերի մշտական հանձնաժողովում «Պետական տուրքի մասին» ՀՀ օրենքում փոփոխությունների նախագծի քննարկման ժամանակ ԲՀԿ խմբակցությունից Արթուր Դալլաքյանը նշեց, որ անհասկանալի է տեղական արտադրողի առջև նման պայմաններ դնելը՝ նկատի ունենալով պետական տուրքի նոր արժեքը:
«Գալու է ժամանակ, որ ներքին արտադրողն էլ չի աշխատելու, դադարեցնելու է գործը։ Ունենք երկու խոշոր արտադրող, որոնց ասում ենք՝ փակվեք հլը, շուտ։ Սա մոտեցում չի: Ամեն ինչ կորցնելու եք։ Այսօրվա այս քայլը բերելու է մեր գործարանների փակման կամ էլ աշխատելու ձևը փոխելու են»,- ասաց պատգամավորը:
Նշենք, որ «Բարգավաճ Հայաստան» խմբակցության պատգամավորներն առաջարկում էին պետական տուրք սահմանել նաև կլինկերի համար:
Նախագիծն ԱԺ տնտեսական հարցերի հանձնաժողովում դրական եզրակացություն ստացավ և կընդգրկվի մայիսի 29-ին մեկնարկելիք ԱԺ քառօրյա նիստերի օրակարգում:
Տնտեսական զարգացման և ներդրումների նախարար Տիգրան Խաչատրյանը խորհրդարանական հանձնաժողովի նիստում առաջարկեց ներկրվող ցեմենտի համար պետական տուրք սահմանել ոչ թե 22 հազար դրամ, ինչպես առաջարկվել էր նախկինում, այլ 14 հազար դրամ:
Մանրամասները՝ տեսանյութում:
Նարեկ Կիրակոսյան
