30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
ՊՆ-ի միջոցներով 48 բնակարան՝ սպաներին. Վանաձորում բնակարանամուտ էր
Քաղաքականություն
21.05.2019 | 19:47
Այսօր 3-րդ բանակային կորպուսի զինծառայողները նշեցին իրենց բնակարանամուտը:
ՀՀ ՊՆ-ի միջոցներով Վանաձորի Սիվաշավան թաղամասում գտնվող 48 բնակարաններ վերանորոգվել ու կահավորվել են, իսկ այսօր հանձնվել սպաներին: Բնակարաններից 2-ը ծառայելու են որպես զինվորական հանրակացարան:
«Բարոյահոգեբանական վիճակը, սոցիալ տնտեսական խնդիրներն են լուծվում և ինչպես տեսնում եք, մեր զինծառայողների աչքերում փայլ կա: Սա շատ կարևոր է, արդյունքում՝ ընտանիքն է ամրապնդվում, զինծառայողներն իրենց գնահատված են զգում: Ամենածանր ծառայություն մատուցող մեր պետական աշխատողները՝ դա զինծառայողներն են: Եվ երբ որ իրենք զգում են հոգատար վերաբերմունք իրենց նկատմամբ՝ ծառայությունն ավելի լավ են կատարում»,- լրագրողների հետ զրույցում ասաց Պաշտպանության նախարար Դավիթ Տոնոյանը՝ հավելելով, որ ՊՆ-ն իրականացնում է զինծառայողների սոցիալական խնդիրների լուծմանն ուղղված մի քանի այլ ծրագիր ևս:
«Մենք ԶՈւ-ում մի քանի ծրագրեր ենք իրականացնում: Առաջինը կատարվում է հիպոթեքային վարկավորման միջոցով, երկրորդը, որ մենք պարտավոր ենք բնակարաններով ապահովել, հիմա շինարարություն ենք կատարում և շուտով կավարտենք այդ ծրագիրը: Սա այն տարբերակներից է, երբ որ ՊՆ-ն իր բյուջեից կառուցում և վերակառուցում է բնակարաններ, իսկ մյուսը՝ բնակարանների գնման վկայագրերն են, որոնք որ առաջնահերթ տրամադրելու ենք զորացրված զինծառայողներին,- ասաց Տոնոյանը: Հավելենք, որ ծրագիրը կյանքի կոչելու համար ծախսվել է 320 միլիոն դրամ:
Տաթևիկ Ղազարյան
