28.04.2026 | 10:46
Հայաստանը 2026-ի աշնանից կունենա նոր կենսաչափական անձնագրեր և նույնականացման քարտեր
«Բոլորը՝ բոլորի դիմաց» սկզբունքը չպետք է անպատժելիությունն արդարացնող ելք հանդիսանա. Աննա Նաղդալյան. ՏԵՍԱՆՅՈՒԹ
Քաղաքականություն
21.05.2019 | 13:41
Հայաստանը մշտապես հավատարիմ է իրական մարդասիրական գործողություններին, սակայն այդ գործողությունները չպետք է հանդուրժեն անպատժելիությունը՝ հատկապես ծանր հանցագործությունների պարագայում: Մայիսի 21-ին լրագրողների հետ ճեպազրույցում ասաց ՀՀ ԱԳՆ խոսնակ Աննա Նաղդալյանը՝ պատասխանելով «բոլորը՝ բոլորի դիմաց» սկզբունքի մասին հարցին, որով Ադրբեջանն առաջարկում է փոխանակել երկու կողմում գտնվող գերիներին և ձերբակալված անձանց:
«Հատկապես ծանր հանցագործությունների պարագայում, նաև այն պարագայում, երբ ականատես ենք լինում մարդու իրավունքների ոլորտում միջազգային իրավունքի խախտումներին»,- հավելեց նա:
Նաղդալյանն ընդգծեց, որ անչափահասի միտումնավոր սպանությունը ծանր հանցագործություն է ցանկացած հասարակությունում, ուստի «բոլորը՝ բոլորի դիմաց» սկզբունքը չպետք է հանդիսանա այն ելքը, որն արդարացնում է անպատժելիությունը և մարդասիրական իրավունքի խախտումները:
«Ատելության հողի վրա հանցագործությունների անպատժելիությունն արդեն իսկ հանգեցնում է նոր հանցագործությունների, իսկ այդ հանցագործության հերոսացումը և դրանք կատարողներին պաշտամունքի առարկա դարձնելն արդեն իսկ ծանր երևույթ է: Մենք անակատես ենք եղել, որ մարդասպանության համար դատապարտված անձն արտահանձնվելուց հետո հերոսացվել է միայն այն բանի համար, որ հայ է սպանել»,- ասաց ԱԳՆ խոսնակը:
Մանրամասները՝ տեսանյութում:
