11.07.2026 | 23:11
Լինդա Նոսկովան՝ «Ուիմբլդոնի» չեմպիոն. ՏԵՍԱՆՅՈՒԹ
«Պիտի միշտ Արթուրի կողքին լինեմ». Կարո Փայլան
Քաղաքականություն
21.05.2019 | 10:33
Թուրքիայի խորհրդարանի հայ պատգամավոր Կարո Փայլանը հանդիպել է ստամբուլահայ 13-ամյա հայ պատանի Արթուրի հետ, ով դարձել էր թուրք հաղորդավար Նիհաթ Հաթիփօղլուի հաղորդման «զոհը». գրում է ermenihaber-ը:
Հաթիփօղլուն Արթուրին համոզել էր ուղիղ եթերում իսլամ ընդունել։ Տղան նաև անվանափոխ էր եղել և ընդունել թուրքական «Նիհաթ» անունը։ «Իսլամի ընդունումը» տեղի էր ունեցել Հաթիփօղլուի՝ շոուի տարրեր ունեցող քարոզչական բնույթի հաղորդման ժամանակ։
Փայլանը Արթուրի հետ հանդիպումից լուսանկար է հրապարակել Facebook-ի իր էջում, որին կից կատարել է հետևյալ գրառումը։
«Հանդիպեցի Արթուրին։ Նա լավ է։ Միշտ պիտի նրա կողքին լինեմ։ Կանեմ ամեն ինչ, որ նրան պաշտպանեմ չարից»,- գրել է Փայլանը։
Հիշեցնենք, որ Արթուրի մայրը՝ Ermenihaber-ի հետ զրույցում պարզաբանել էր, որ Արթուրը կնքված է և գնում է հայկական եկեղեցի։
